Perseverance Mars Rover apparaty Qyzyl planetanyń topyraǵynda 270 metr qashyqtyqty júrip ótti. AQSh-tyń Qyzyl planetaǵa jibergen Perseverance Mars Rover apparatynan habar keldi. Marstaǵy temperatýra +12 gradýsty kórestip tur. Keıde planetadaǵy aýa raıy qatty sýyp ketedi, sol kezde -101 gradýsqa deıin jetedi eken.
Al, otteginiń mólsheri Jerdegimen salystyrǵanda 100 den bir bóligin qurapty. Ony apparattyń (Mars Oxygen In-Situ Resource Utilization Experiment) MOXIE qurylǵysy anyqtady. Qurylǵynyń negizgi fýnkııasy - ottegiden kómirqyshqyl gazdardy bólip alý.
Perseverance Mars Rover apparaty búginge deıin Marsta 270 metr qashyqtyqty júrip, 40 sm tereńdikke deıin topyraqtaryn qazyp alyp, aqtaryp kórgen. Al apparattyń drony 40 metrlik ara arashyqtyqta ushyp qonyp júr.
Perseverance Mars Rover apparatynyń qazirgi árbir qadamy ǵylymdy ózgertetin ýaqytta tur. AQSh-tyń ınjener-konstrýktorlary apparattyń árbir qadamyn ańdyp, ne bolar eken dep kútip otyr. Baılanys keı kezderi úzilip ketip jatyr eken. Apparattyń sońǵy kadrlarynda kempirqosaq túsip qalǵan degen derekter de tirkeldi. Marsta sý bar degen sóz. Mamandar qazir taǵat tappaı kúndiz túni apparattyń árbir qadamyn qadaǵalap otyr.
Ǵalymdardyń Qyzyl planetany zertteýdegi eń qıyn ári eń qyzyqty sáti endi bastalǵan sııaqty. Kóp uzamaı apparattan jaqsy sıgnaldar men habarlar keledi dep kútilýde. Óz basym qatty qyzyǵyp otyrmyn. Jaqsy aqparattar kelse eken. Sondaı bir tylsym álemniń syrlary ashylyp jatqan sııaqty.
Bekbolat QARJAN,
"Adyrna" ulttyq portaly
