Perseverance Mars Rover apparaty Qyzyl planetanyŋ topyraǧynda 270 metr qaşyqtyqty jürıp öttı. AQŞ-tyŋ Qyzyl planetaǧa jıbergen Perseverance Mars Rover apparatynan habar keldı. Marstaǧy temperatura +12 gradusty körestıp tūr. Keide planetadaǧy aua raiy qatty suyp ketedı, sol kezde -101 gradusqa deiın jetedı eken.
Al, ottegınıŋ mölşerı Jerdegımen salystyrǧanda 100 den bır bölıgın qūrapty. Ony apparattyŋ (Mars Oxygen In-Situ Resource Utilization Experiment) MOXIE qūrylǧysy anyqtady. Qūrylǧynyŋ negızgı funksiiasy - ottegıden kömırqyşqyl gazdardy bölıp alu.
Perseverance Mars Rover apparaty bügınge deiın Marsta 270 metr qaşyqtyqty jürıp, 40 sm tereŋdıkke deiın topyraqtaryn qazyp alyp, aqtaryp körgen. Al apparattyŋ drony 40 metrlık ara araşyqtyqta ūşyp qonyp jür.
Perseverance Mars Rover apparatynyŋ qazırgı ärbır qadamy ǧylymdy özgertetın uaqytta tūr. AQŞ-tyŋ injener-konstruktorlary apparattyŋ ärbır qadamyn aŋdyp, ne bolar eken dep kütıp otyr. Bailanys kei kezderı üzılıp ketıp jatyr eken. Apparattyŋ soŋǧy kadrlarynda kempırqosaq tüsıp qalǧan degen derekter de tırkeldı. Marsta su bar degen söz. Mamandar qazır taǧat tappai kündız tünı apparattyŋ ärbır qadamyn qadaǧalap otyr.
Ǧalymdardyŋ Qyzyl planetany zertteudegı eŋ qiyn ärı eŋ qyzyqty sätı endı bastalǧan siiaqty. Köp ūzamai apparattan jaqsy signaldar men habarlar keledı dep kütılude. Öz basym qatty qyzyǧyp otyrmyn. Jaqsy aqparattar kelse eken. Sondai bır tylsym älemnıŋ syrlary aşylyp jatqan siiaqty.
Bekbolat QARJAN,
"Adyrna" ūlttyq portaly
Ūqsas jaŋalyqtar
