قازاقستاندا، ءتىپتى الەمدە بالاماسى جوق بىرەگەي تەاتر جايلى بىرەر ءسوز!

1259

قازاق حالقىنىڭ ۇلتتىق كودتارىنىڭ ءبىرى — ۇلتتىق ونەر. سوناۋ ىقىلىم زاماننان بەرى قازاقپەن بىرگە جاساسىپ كەلە جاتقان ۇلتتىق ونەرىمىز – ۇلى دالا ەلىنىڭ برەندى. الەمگە مەيمانامىز تاسىپ كورسەتە الاتىن سيمۆولىمىز.

قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىشۇلى نازارباەۆ ءوزىنىڭ «بولاشاققا باعدار: رۋحاني جاڭعىرۋ» اتتى ماقالاسىندا
«ەگەر جاڭعىرۋ ەلدىڭ ۇلتتىق-رۋحاني تامىرىنان ءنار الا الماسا، ول اداسۋعا باستايدى»، — دەگەن بولاتىن. قازىرگى تاڭدا ۇلتتىق رۋحقا رەڭ بەرەتىن قازاقى قۇندىلىقتاردى دارىپتەپ، ءتول ونەردى تورگە شىعارۋدى نەگىزگە العان «الاتاۋ» ءداستۇرلى ونەر تەاترى ءداستۇرلى ءان-جىر، تەرمە، كۇي، ايتىس، ۇلتتىق كينو سياقتى باعىتتاردا قىزمەت كورسەتەدى. ءوزىنىڭ باعىتى بويىنشا قازاقستاندا، ءتىپتى الەمدە بالاماسى جوق بىرەگەي تەاتر دەۋگە بولادى.

«الاتاۋ» ءداستۇرلى ونەر تەاترىنىڭ ميسسياسى:

ۇلتتىق مادەني ءداستۇرىمىزدى ء(داستۇرلى ءان ونەرىمىزدى، فولكلورىمىزدى، ادەت-عۇرىپ، سالت-ءداستۇر، ۇلتتىق كيىمدەرىمىزدى) زامان تالابىنا ساي جاڭا فورمادا كورەرمەندەرگە ۇسىنۋ;
بۇگىنگى زامان ۇردىسىنە لايىقتى مادەني ورتا قالىپتىستىرۋ ارقىلى ءداستۇرلى ونەر برەندىن دامىتۋ، ءداستۇرلى ونەرگە قاتىستى وزىق تەحنولوگيا ۇلگىلەرىن ەنگىزۋ;
ءداستۇرلى ونەرمەن سينتەزدەلگەن تەاترلىق قويىلىمداردىڭ سانى مەن ساپاسىن ارتتىرۋ;
جاس بۋىننىڭ ءداستۇرلى ونەرگە دەگەن قىزىعۋشىلىعىن دامىتۋ;
كورۋ جانە ەستۋ مۇمكىندىگى شەكتەۋلى جانداردىڭ شىعارماشىلىق قابىلەتتەرىن قولداۋدى ۇيىمداستىرۋ جانە ت.ب.

ويشىل ءماشھۇر ءجۇسىپ كوپەيۇلى «جان – ءبىر اسىراندى قۇس، دەنە – ءبىر قاپاس. ول قۇسقا وت، سۋ بەرمەسە، قاپاستا تۇرىپ اشتان ءولىپ قالادى، وعان قورەك بەرۋ كەرەك»، –دەيدى.

بىزگە كەرەگى – جان قۋاتىن بارىنشا جۇمساپ، جان ازىعىن دۇرىس تاڭداۋ عانا.

ۇلتتىق بىرەگەيلىكتى ساقتاپ، ونەرىمىزدى ورگە سۇيرەيتىندەر كوپ بولعاي!

قۋانىش جۇمابەكۇلى
PhD دوكتورى، "قازاقستاننىڭ 100 جاڭا ەسىمى" جوباسىنىڭ جەڭىمپازى

پىكىرلەر
رەداكتسيا تاڭداۋى