Qazaqstanda, tipti álemde balamasy joq biregeı teatr jaıly birer sóz!

1254

Qazaq halqynyń ulttyq kodtarynyń biri — ulttyq óner. Sonaý yqylym zamannan beri qazaqpen birge jasasyp kele jatqan ulttyq ónerimiz – Uly dala eliniń brendi. Álemge meımanamyz tasyp kórsete alatyn sımvolymyz.

Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaev óziniń «Bolashaqqa baǵdar: rýhanı jańǵyrý» atty maqalasynda
«Eger jańǵyrý eldiń ulttyq-rýhanı tamyrynan nár ala almasa, ol adasýǵa bastaıdy», — degen bolatyn. Qazirgi tańda ulttyq rýhqa reń beretin qazaqy qundylyqtardy dáriptep, tól ónerdi tórge shyǵarýdy negizge alǵan «Alataý» dástúrli óner teatry dástúrli án-jyr, terme, kúı, aıtys, ulttyq kıno sııaqty baǵyttarda qyzmet kórsetedi. Óziniń baǵyty boıynsha Qazaqstanda, tipti Álemde balamasy joq biregeı teatr deýge bolady.

«Alataý» dástúrli óner teatrynyń mıssııasy:

Ulttyq mádenı dástúrimizdi (dástúrli án ónerimizdi, folklorymyzdy, ádet-ǵuryp, salt-dástúr, ulttyq kıimderimizdi) zaman talabyna saı jańa formada kórermenderge usyný;
búgingi zaman úrdisine laıyqty mádenı orta qalyptystyrý arqyly dástúrli óner brendin damytý, dástúrli ónerge qatysty ozyq tehnologııa úlgilerin engizý;
dástúrli ónermen sıntezdelgen teatrlyq qoıylymdardyń sany men sapasyn arttyrý;
jas býynnyń dástúrli ónerge degen qyzyǵýshylyǵyn damytý;
kórý jáne estý múmkindigi shekteýli jandardyń shyǵarmashylyq qabiletterin qoldaýdy uıymdastyrý jáne t.b.

Oıshyl Máshhúr Júsip Kópeıuly «Jan – bir asyrandy qus, dene – bir qapas. Ol qusqa ot, sý bermese, qapasta turyp ashtan ólip qalady, oǵan qorek berý kerek», –deıdi.

Bizge keregi – jan qýatyn barynsha jumsap, jan azyǵyn durys tańdaý ǵana.

Ulttyq biregeılikti saqtap, ónerimizdi órge súıreıtinder kóp bolǵaı!

Qýanysh Jumabekuly
PhD doktory, "Qazaqstannyń 100 jańa esimi" jobasynyń jeńimpazy

Pikirler
Redakııa tańdaýy