پوليتسيا گرۋزيادا قايتىس بولعان اسەل ايتپاەۆانىڭ الىس تۋىسى مۇرات مەيىربەكوۆتى ۇستادى، دەپ حابارلايدى "ادىرنا" ۇلتتىق پورتالى Polisia.kz-كە سىلتەمە جاساپ.
«نۇر-سۇلتان پوليتسيا ءبولىمى گرۋزيادا قايتىس بولعان قازاقستان ازاماتى اسەل ايتپاەۆانىڭ اتا-اناسىنىڭ م.مەيىربەكوۆكە شارا قولدانۋ تۋرالى مالىمدەمەسى نەگىزىندە قازاقستان رەسپۋبليكاسىنىڭ قىلمىستىق كودەكسى (ادام ساۋداسى) 128 بابى بويىنشا سوتقا دەيىنگى تەرگەۋدى باستادى»، دەلىنگەن حابارلامادا.
تەرگەۋ ارەكەتتەرى جۇرگىزىلىپ جاتىر. سوتقا دەيىنگى تەرگەۋ جالعاسۋدا.
ەستەرىڭىزگە سالا كەتەيىك، قازاقستاندىق اسەل ايتپاەۆا 5 مامىرعا قاراعان ءتۇنى تبيليسيدە تۇسىنىكسىز جاعدايدا قايتىس بولدى. قىزدىڭ دەنەسى كوپ قاباتتى ءۇيدىڭ الدىنان تابىلدى. تەرگەۋشىلەر انىقتاعانداي، قازاقستاندىق ايەل ءولىم الدىندا زورلانعان. جەرگىلىكتى پوليتسيا كۇدىكتى 57 جاستاعى زۋگديديدىڭ تۋماسى جانە بۇرىن سوتتالعان بەسيك توردۋانى زورلاۋ جانە ءوزىن-ءوزى ولتىرۋگە ماجبۇرلەدى دەگەن ايىپپەن كەلەسى كۇنى قاماۋعا الدى. ءولىمىنىڭ الدىندا اسەل قۇربىسىنا توردۋامەن سويلەسكەن ءبىر ساعاتتىق اۋديوجازباسىن جىبەرىپ ۇلگەرگەن ەدى. گرۋزيانىڭ باس پروكۋراتۋراسى اسەلدىڭ الىس تۋىسى مۇرات مەيىربەكوۆكە سىرتتاي ايىپ تاعىپ وتىر.
"ادىرنا" ۇلتتىق پورتالى
