فوتو جي كومەگىمەن جاسالدى
قازاقستاندا ءتورتىنشى ءىرى مۇناي وڭدەۋ زاۋىتىن سالۋعا ارنالعان الاڭ 2026 جىلدىڭ سوڭىنا دەيىن انىقتالماق، دەپ حابارلايدى "ادىرنا" ۇلتتىق پورتالى قازتاگ-قا سىلتەپ.
قازىر نىسان سالىنۋى مۇمكىن ءتورت ءوڭىر قارالىپ جاتىر.
ەنەرگەتيكا مينيسترلىگىنىڭ مالىمەتىنشە، ۇلىتاۋ، اتىراۋ، ماڭعىستاۋ جانە تۇركىستان وبلىستارىنداعى ىقتيمال الاڭدارعا سالىستىرمالى تالداۋ جۇرگىزىلۋدە. سونىڭ ناتيجەسىندە زاۋىت سالۋعا ەڭ قولايلى ءوڭىر تاڭدالادى.
جاڭا مۇناي وڭدەۋ جانە مۇناي-حيميا كەشەنىنىڭ قۋاتى جىلىنا 10 ملن تونناعا دەيىن بولادى. نىساندى 2033 جىلعا دەيىن پايدالانۋعا بەرۋ جوسپارلانعان.
مينيسترلىك قولدانىستاعى مۇناي وڭدەۋ كاسىپورىندارىنىڭ قۋاتىن دا ارتتىرۋدى كوزدەپ وتىر. وسى جوبالاردىڭ ناتيجەسىندە قازاقستانداعى مۇناي وڭدەۋدىڭ جالپى كولەمى جىلىنا 39 ملن تونناعا دەيىن جەتكىزىلمەك.
ايتا كەتەيىك، قازاقستاندا ءتورتىنشى ءىرى مۇناي وڭدەۋ زاۋىتىن سالۋ ماسەلەسى بىرنەشە جىلدان بەرى كوتەرىلىپ كەلەدى. ءتىپتى قازاقستاننىڭ العاشى پرەزيدەنتى نۇرسۇلتان نازارباەۆتىڭ بيلىگى كەزىنەن بەرى قۇرىلىس ورنى، باستاۋ مەرزىمى مەن جوبانىڭ قۇنى تۇپكىلىكتى بەكىتىلمەگەن.
