ۇلتتىق حالىق ساناعىنا دايىندىق پىسىقتالدى

1847

2021 جىلعى 1 قىركۇيەك پەن 30 قازان ارالىعىنا جوسپارلانعان قر حالقىنىڭ ۇلتتىق ساناعىنا دايىندىق جانە وتكىزۋگە شىمكەنت قالاسىنىڭ ۇيىمداستىرۋ مەن نۇسقاۋشىلىق ماسەلەلەرىن شەشۋ جونىندەگى ارنايى كوميسسياسىنىڭ وتىرىسى ءوتتى.

باسقوسۋدا اۋدان اكىمدەرىنىڭ، باسقارما باسشىلارىنىڭ ۇلتتىق حالىق ساناعىنا دايىندىق جۇمىستارى پىسىقتالدى.

جيىندا ۇلتتىق حالىق ساناعىنىڭ ماڭىزدىلىعىنا توقتالىپ، بۇل جولعى ساناقتىڭ بۇرىنعىدان باستى ەرەكشەلىگى – ەلەكتروندى فورماتتا وتكىزىلەتىندىگىندە. ۇلتتىق ساناقتى جوعارى دەڭگەيدە وتكىزۋ ءۇشىن دايىندىق جۇمىستارىن جانداندىرۋ قاجەت.

كوميسسيا وتىرىسىندا ۇلتتىق ستاتيستيكا بيۋروسىنىڭ شىمكەنت قالاسى بويىنشا دەپارتامەنتىنىڭ باسشىسى ەرنازار قۇلتاەۆ ۇلتتىق حالىق ساناعىنا دايىندىق بارىسى تۋرالى بايانداما جاسادى.

ونىڭ ايتۋىنشا، 1-30 ماۋسىم ارالىعىندا حالىق ساناعىنا دايىندىق كەزەڭى وتكىزىلەدى (ساناقتىڭ 1-كەزەڭى). ياعني تۇراتىن حالىق سانى مەن مەكەنجاي بولىگىن ناقتىلاۋ ءۇشىن تۇرعىن جايلاردى، تۇرعىن ۇيلەر (تۇرعىن عيماراتتار) مەن تۇرعىن ەمەس ءۇي-جايلاردى ارالاۋ جۇمىستارى جۇرگىزىلەدى. جانە اتالعان جۇمىستاردى جۇرگىزۋ ءۇشىن 300-گە جۋىق ساناق پەرسونالىن (38 نۇسقاۋشى-باقىلاۋشى، 263 ينتەرۆيۋەر) تارتۋ قاراستىرىلعان.

قازىرگى ەپيدەميولوگيالىق جاعدايعا بايلانىستى حالىقپەن تىكەلەي بايلانىستا جۇمىس ىستەيتىن ساناق جۇرگىزەتىن پەرسونالدى ۆاكتسينا ەگىلگەن ادامداردىڭ اراسىنان تارتۋ ماسەلەسى ايتىلدى.

بۇگىندە اۋدانداردا ۇلتتىق ساناققا جاردەمدەسۋ كوميسسيالارى قۇرىلىپ، جاۋاپتى ماماندار بەكىتىلگەن. شىمكەنت قالاسىندا تۇراقتى جانە ۋاقىتشا تۇراتىن، بىراق تىركەلمەگەن تۇلعالاردى دەر كەزىندە انىقتاپ، ولاردىڭ دۇرىس تىركەلۋى مەن تولىق ەسەپكە الىنۋىن تەكسەرۋ جۇمىستارىن جۇرگىزۋ حالىق ساناعىن وتكىزۋدىڭ دايىندىق جۇمىستارىنىڭ ماڭىزدى ءبىر بولىگى.

كوميسسيا وتىرىسىندا باسقارما باسشىلارى مەن اۋدان اكىمدەرىنە دايىندىق ماسەلەلەرىنە قاتىستى ءتيىستى تاپسىرمالار جۇكتەلدى.

شىمكەنت قالاسى اكىمدىگىنىڭ ءباسپاسوز قىزمەتى

 

پىكىرلەر
رەداكتسيا تاڭداۋى