بۇگىندە شىمكەنتتە جۇمىسپەن قامتۋ جانە الەۋمەتتىك قورعاۋ باسقارماسى تاراپىنان قالاداعى مۇمكىندىگى شەكتەۋلى جاندار ءۇشىن كەدەرگىسىز ورتا قالىپتاستىرۋدا ءتيىستى شارالار اتقارىلىپ جاتىر. مۇگەدەكتىگى بار ازاماتتاردىڭ بەلسەندى ءومىر ءسۇرۋ سالتىن قالىپتاستىرۋ ماقساتىندا ينۆاتاكسي ۇيىمداستىرىلعان.
شىمكەنت قالاسىندا مۇگەدەكتەرگە ارنالعان تاكسي قىزمەتى پايدا بولعانىنا بيىل 10 جىل. جوبا «قالالىق مۇگەدەكتەر قوعامى» بىرلەستىگىنىڭ باستاماسىمەن جۇزەگە اسقان. ينۆاتاكسي قىزمەتىن جىل باسىنان بەرى 500-دەن استام ازامات قىزمەت الۋعا ءوتىنىش تاپسىرعان. كۇنىنە 170-180 تاپسىرىس قابىلدانادى. ءوتىنىش بەرۋشى 1 كۇن بۇرىن ديسپەتچەرگە (8 (7252) 57-70-06) حابارلاسىپ تاپسىرىس قالدىرا الادى. ينۆاتاكسي قىزمەتى تەگىن.
بەكىتىلگەن 18 اۆتوكولىك ارنايى جىلجىمالى قۇرىلعىمەن جانە كرەسلو-اربالاردى ورناتۋعا ارنالعان قۇرالدارمەن جابدىقتالعان. ارنايى كولىكتەرمەن ازاماتتار قالا ىشىندەگى قالاعان مەكەن-جايىنا بارا الادى.
ايتا كەتەيىك، بۇگىندە شىمكەنت قالاسىندا 37 046 مۇمكىندىگى شەكتەۋلى ازامات تىركەلگەن. ونىڭ ىشىندە: ءبىرىنشى توپ-3324, ەكىنشى توپ-14 950, ءۇشىنشى توپ – 12 288. ال 18 جاسقا دەيىنگى 6484 مۇگەدەك بالا تىركەلگەن.
شىمكەنت قالاسى اكىمدىگىنىڭ ءباسپاسوز قىزمەتى
