Shymkentte Invtaksı tegin

3533
Adyrna.kz Telegram

Búginde Shymkentte jumyspen qamtý jáne áleýmettik qorǵaý basqarmasy tarapynan qaladaǵy múmkindigi shekteýli jandar úshin kedergisiz orta qalyptastyrýda tıisti sharalar atqarylyp jatyr. Múgedektigi bar azamattardyń belsendi ómir súrý saltyn qalyptastyrý maqsatynda ınvataksı uıymdastyrylǵan.

Shymkent qalasynda múgedekterge arnalǵan taksı qyzmeti paıda bolǵanyna bıyl 10 jyl. Joba «Qalalyq múgedekter qoǵamy» birlestiginiń bastamasymen júzege asqan. Invataksı qyzmetin jyl basynan beri 500-den astam azamat qyzmet alýǵa ótinish tapsyrǵan. Kúnine 170-180 tapsyrys qabyldanady. Ótinish berýshi 1 kún buryn dıspetcherge (8 (7252) 57-70-06) habarlasyp tapsyrys qaldyra alady. Invataksı qyzmeti tegin.

Bekitilgen 18 avtokólik arnaıy jyljymaly qurylǵymen jáne kreslo-arbalardy ornatýǵa arnalǵan quraldarmen jabdyqtalǵan. Arnaıy kóliktermen azamattar qala ishindegi qalaǵan meken-jaıyna bara alady.

Aıta keteıik, búginde Shymkent qalasynda 37 046 múmkindigi shekteýli azamat tirkelgen. Onyń ishinde: birinshi top-3324, ekinshi top-14 950, úshinshi top – 12 288. Al 18 jasqa deıingi 6484 múgedek bala tirkelgen.

Shymkent qalasy ákimdiginiń baspasóz qyzmeti

 

 

Pikirler