شىمكەنت اكىمى پەداگوگيكالىق ۋنيۆەرسيتەتىنىڭ جۇمىسىمەن تانىستى

3517
Adyrna.kz Telegram

شىمكەنت قالاسىنىڭ اكىمى مۇرات ايتەنوۆ وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتىندە بولىپ، №1 ستۋدەنتتەر ۇيىمەن جانە ونداعى ۇيىرمە ورتالىعىنىڭ جۇمىسىمەن تانىستى.

ورتالىقتا 11 ۇيىرمە ۋنيۆەرسيتەت ستۋدەنتتەرى ءۇشىن جۇمىس جاسايدى. ۇيىرمە ستۋدەنتتەرى جاساعان بۇيىمدار ورتالىقتاعى ارنايى كورمە زالىنا قويىلعان.

2015 جىلى اشىلعان 12 قاباتتىق №1 ستۋدەنتتەر ءۇيى بارلىق جاعداي جاسالعان. ءار بولمەدە ەكى ستۋدەنتتەن تۇرادى، سانيتارلىق توراپپەن، ارنايى جيھازبەن، توڭازىتقىشپەن قامتاماسىز ەتىلگەن.

ودان سوڭ قالا اكىمى ۋنيۆەرسيتەتتىڭ باس عيماراتىندا ورنالاسقان «ۇلى دالا ەلى وركەنيەتتەر توعىسىندا» اتتى كورمە زالىمەن تانىستى. 1966 جىلى قۇرىلعان ارحەولوگيالىق ستۋدەنتتەر جاساعى تاپقان ءىرىلى-ۇساقتى جادىگەرلەردەن تۇراتىن ارنايى كورمە زالى ب.ز.د. 100 مىڭ جىل – ب.ز. ءحىى ع. ارالىعىنداعى ۇلى دالا وركەنيەتىنەن، تاريحتان سىر شەرتەدى.

تاريح عىلىمدارىنىڭ دوكتورى، تانىمال ارحەولوگ الەكساندر پودۋشكين ستۋدەنتتەردىڭ ارحەولوگيالىق جاساعى جۇرگىزگەن قازبا جۇمىستارى كەزىندە تابىلعان كونە جادىگەرلەردى كورسەتىپ، ولار تۋرالى اڭگىمەلەپ بەردى.

شاھار اكىمى م.ايتەنوۆ ۋنيۆەرسيتەتتەگى ن.نازارباەۆ اتىنداعى عىلىمي-يننوۆاتسيالىق كابينەتتىڭ جۇمىسىن كوردى. كابينەت جوعارى تەحنولوگيانىڭ ەڭ سوڭعى ۇلگىسى بويىنشا جابدىقتالعان. بۇل جەردە عىلىمي جوبامەن اينالىساتىن ۇزدىك ستۋدەنتتەر جانە وقىتۋشى-پروفەسسور قۇرامى جۇمىس ىستەۋىنە تولىق مۇمكىندىك جاسالىنعان. سونىمەن بىرگە مۇندا ەلباسىنىڭ 200-دەن اسا ەڭبەكتەرى جەكە كىتاپحانا رەتىندە دە قىزمەت كورسەتەدى.

قالا باسشىسى «Nur Otan» پارتياسىنىڭ «ءىت ماماندار دايىنداۋ» جوباسى شەڭبەرىندە اشىلعان «IT-SYNYP» سىنىبى مەن «روبوتوتەحنيكا» ۇيىرمەسىنىڭ جۇمىسىمەن تانىستى.

8-16 جاس ارالىعىنداعى سەكسەن بالانى وقىتۋعا ارنالعان «IT-SYNYP» كومپيۋتەرلىك سىنىپتارىندا وقۋشىلار ءۇش باعىتتا ءبىلىم الادى.

2018 جىلدىڭ ماۋسىم ايىنان 2020 ناۋرىز ايى ارالىعىندا IT-سىنىپتا 1100 وقۋشى وقىپ، ارنايى سەرتيفيكاتقا يە بولدى.

شىمكەنت قالاسى اكىمدىگىنىڭ ءباسپاسوز قىزمەتى

 

پىكىرلەر