Shymkent qalasynyń ákimi Murat Áıtenov Ońtústik Qazaqstan memlekettik pedagogıkalyq ýnıversıtetinde bolyp, №1 Stýdentter úıimen jáne ondaǵy úıirme ortalyǵynyń jumysymen tanysty.
Ortalyqta 11 úıirme ýnıversıtet stýdentteri úshin jumys jasaıdy. Úıirme stýdentteri jasaǵan buıymdar ortalyqtaǵy arnaıy kórme zalyna qoıylǵan.
2015 jyly ashylǵan 12 qabattyq №1 Stýdentter úıi barlyq jaǵdaı jasalǵan. Ár bólmede eki stýdentten turady, sanıtarlyq torappen, arnaıy jıhazben, tońazytqyshpen qamtamasyz etilgen.
Odan soń qala ákimi ýnıversıtettiń bas ǵımaratynda ornalasqan «Uly dala eli órkenıetter toǵysynda» atty kórme zalymen tanysty. 1966 jyly qurylǵan arheologııalyq stýdentter jasaǵy tapqan irili-usaqty jádigerlerden turatyn arnaıy kórme zaly b.z.d. 100 myń jyl – b.z. HII ǵ. aralyǵyndaǵy uly dala órkenıetinen, tarıhtan syr shertedi.
Tarıh ǵylymdarynyń doktory, tanymal arheolog Aleksandr Podýshkın stýdentterdiń arheologııalyq jasaǵy júrgizgen qazba jumystary kezinde tabylǵan kóne jádigerlerdi kórsetip, olar týraly áńgimelep berdi.
Shahar ákimi M.Áıtenov ýnıversıtettegi N.Nazarbaev atyndaǵy ǵylymı-ınnovaııalyq kabınettiń jumysyn kórdi. Kabınet joǵary tehnologııanyń eń sońǵy úlgisi boıynsha jabdyqtalǵan. Bul jerde ǵylymı jobamen aınalysatyn úzdik stýdentter jáne oqytýshy-professor quramy jumys isteýine tolyq múmkindik jasalynǵan. Sonymen birge munda Elbasynyń 200-den asa eńbekteri jeke kitaphana retinde de qyzmet kórsetedi.
Qala basshysy «Nur Otan» partııasynyń «IT mamandar daıyndaý» jobasy sheńberinde ashylǵan «IT-SYNYP» synyby men «Robototehnıka» úıirmesiniń jumysymen tanysty.
8-16 jas aralyǵyndaǵy seksen balany oqytýǵa arnalǵan «IT-SYNYP» kompıýterlik synyptarynda oqýshylar úsh baǵytta bilim alady.
2018 jyldyń maýsym aıynan 2020 naýryz aıy aralyǵynda IT-synypta 1100 oqýshy oqyp, arnaıy sertıfıkatqa ıe boldy.
Shymkent qalasy ákimdiginiń baspasóz qyzmeti
