قازىر بۇكىل الەم ءيزرايلدىڭ اۋە قورعانىسىن قامتاماسىز ەتەتىن زىمىرانداردان قورعاۋ كەشەنى - "تەمىر كۇمبەز" زىمىرانداردان قورعاۋ سيستەماسىن مويىنداپ وتىر. بۇل جۇيە تەك تەوريادا ەمەس، پراكتيكادا دا ءوزىنىڭ پەرسپەكتيۆاسىن كورسەتتى. بۇل كەشەن تەك اسكەري وقۋ جاتتىعۋدا عانا ەمەس، سوعىس مايدانىندا دا ءوزىنىڭ ەففەكتيۆتى جۇمىس جاسايتىنىن پاش ەتتى.
بۇگىنگى پالەستينا مەن يزرايل اراسىنداعى قاقتىعىستا پالەستينا تاراپىنان اتىلعان 130 زىمىراننىڭ 128-ءىن قاعىپ تۇسىرگەن دە وسى سيستەما. زىمىراپ كەلە جاتقان زىمىراندى سەزگىشتىك قابىلەتى دە وتە جوعارى. قازىر "تەمىر كۇمبەز" زىمىرانداردان قورعاۋ سيستەماسى دۇنيە جۇزىندەگى ەڭ مىقتى قارۋدىڭ قاتارىنا كىردى.
2000 جىلدارى يزرايلگە وڭتۇستىك ليۆان تاراپىنان ۇزدىكسىز قاۋىپ كۇشەيدى، 2005 جىلدان بەرى گازا سەكتورى تاراپىنان قاۋىپ ءبىر ساتكە توقتاعان ەمەس. سونىمەن قاتار «حەزبوللا» مەن "حاماس" تاراپىنان دا شابۋىلدار جالعاستى. ءدال وسى تاراپتاردى ليكۆيداتسيالاۋ ماقساتىندا يزرايلگە وسى قارۋلاردى جاساپ، قولدانىسقا ەنگىزۋگە تۋرا كەلدى.
"تەمىر كۇمبەز" زىمىرانداردان قورعاۋ سيستەماسى
بۇل سيستەما 4-70 شارىقىمعا ۇشاتىن، باعىتى جوق زىمىرانداردى قاعىپ تۇسىرۋگە ارنالعان زىمىرانداردان قورعايتىن اۋە كەڭىستىگىنىڭ قاۋىپسىزدىگىن قامتاماسىز ەتەتىن قارۋ. 2006 جىلى شىعارىلىپ، 2007 جىلى ەكسپلۋاتاتسياعا بەرىلگەن. 2011 جىلى قۋاتتاندىرعىش جۇيەسى تولىق جەتىلدىرىلىپ، قايتا ىسكە قوسىلعان. سيستەما 20 راكەتانى ۇشىرۋعا ارنالعان. قازىرگى گازا سەكتورىن زىمىراندارمەن اتقىلاپ جاتقان دا وسى سيستەما.
سيستەمانىڭ دالدىك كورسەتكىشى - 100 پايىز. نىسانانى تولىق ءوزىنىڭ باقىلاۋىنا الا الادى. زىمىران اتىلعان كەزدە پرو-نىڭ جاسىرىنىپ قاتالىن قابىلەتى دە جەتكىلىكتى.
"تەمىر كۇمبەز" زىمىرانداردان قورعاۋ سيستەماسى (رلس) EL/M-2084 دەپ اتالاتىن كوپ جاقتى راديولوكاتسيالىق ستانتسيادان تۇرادى. بۇل ستانتسيا جاۋ تاراپىنان اتىلعان زىمىرانداردىڭ تراەكتورياسىن انىقتاپ، ونى قاعىپ تۇسىرۋگە الدىن الا ەسەپ جاسايدى. ەسەبىنىڭ مىقتىلىعى سونشا، ونى قاعىپ ءتۇسىرۋ كەرەك پە، الدە الدە قاعىپ تۇسىرمەۋ كەرەك پە، ۇشىپ كەلە جاتقان زىمىران نىساناعا ءدال تيە مە، الدە بوس اۋماققا بارىپ تۇسە مە، سوعان دەيىن ەسەپتەپ تاستايدى. ەگەر ۇشىپ كەلە جاتقان زىمىران بوس اۋماققا ءوتىپ كەتسە، وقتى شىعىن قىلىپ زىمىراندى اتپايدى. ەگەر زىمىران تۇرعىن ءۇي كەشەندەرى مەن ستراتەگيالىق ماڭىزى بار وبەكتىنى نىساناعا الىپ كەلە جاتسا، وندا رلس زىمىراندى قاعىپ تۇسىرەتىن «تامير» زىمىرانىنا كوماندا بەرىپ، جاۋ تاراپىنان ۇشىپ كەلە جاتقان زىمىرانداردى قاعىپ تۇسىرەدى. «تامير» زىمىرانىنىڭ ۇزىندىعى 3 مەتر، ديامەترى - 160 مم، سالماعى 90 كگ بولادى.
پرو جاۋدىڭ زىمىرانىن جوعارى تراەكتوريادا وتە جوعارى دالدىكپەن جارىپ جىبەرەدى. كەشەگى پالەستينادان اتىلعان باعىتى بەلگىسىز زىمىرانداردى وسىلاي قاعىپ ءتۇسىردى. وسى مەتوديكا ارقىلى جاۋ قارۋىنىڭ حيميالىق، بيولوگيالىق، باكتەرولوگيالىق قاۋىپتىلىگىنىڭ دەڭگەيىن بارىنشا تومەندەتە الادى.
قازىر ءيزرايلدىڭ وسى قارۋىنا اقش-تىڭ ءوزى، وڭتۇستىك كورەيا دا قىزىعۋشىلىق تانىتىپ وتىر. ساتىپ الۋعا دە كەلىسىم شارتتار جاساسقالى جاتىر.
جالعاسى بار...
بەكبولات قارجان،
"ادىرنا" ۇلتتىق پورتالى
