ارمەنيادا 7 ماۋسىمدا وتەتىن پارلامەنت سايلاۋى قارساڭىندا بۇگىن «تىنىشتىق كۇنى» جاريالاندى، دەپ حابارلايدى "ادىرنا" ۇلتتىق پورتالى.
وسى ۋاقىتتان باستاپ كەز كەلگەن سايلاۋالدى ۇگىت-ناسيحاتقا، كوپشىلىك الدىندا ءسوز سويلەۋگە، بۇقارالىق اقپارات قۇرالدارى مەن الەۋمەتتىك جەلىلەردەگى ساياسي ناسيحاتقا تىيىم سالىنادى.
بيىلعى سايلاۋ تارتىستى وتەدى دەپ كۇتىلۋدە. داۋىس بەرۋگە ەكى ساياسي بلوك پەن 16 پارتيادان تۇراتىن جالپى 18 ساياسي كۇش قاتىسۋدا. پارلامەنتكە ءوتۋ مەجەسى بۇرىنعىداي جوعارى دەڭگەيدە ساقتالعان: پارتيالار ءۇشىن – 4 پايىز، ەكى پارتيادان قۇرالعان بلوكتار ءۇشىن – 8 پايىز، ال ءىرى بىرلەستىكتەر ءۇشىن – 10 پايىز.
سايلاۋداعى باستى باسەكە قازىرگى بيلىك پەن وپپوزيتسيا اراسىندا ءوربىپ جاتىر. پرەمەر-مينيستر نيكول پاشينيان ەلدىڭ ساياسي باعىتىن ساقتاپ قالۋعا ۇمتىلسا، ونىڭ نەگىزگى قارسىلاستارىنىڭ ءبىرى رەتىندە «كۇشتى ارمەنيا» بلوگىنىڭ جەتەكشىسى، كاسىپكەر سامۆەل كاراپەتيان اتالادى. قازىرگى ۋاقىتتا ول ۇيقاماقتا وتىر.
