ارمان شوراەۆ: بيلىكتە، ۇكىمەتتە لگبت وكىلدەرى بار (ۆيدەو)

2782
Adyrna.kz Telegram

بەلگىلى جۋرناليست، قوعام قايراتكەرى ارمان شوراەۆ اقوردا مەن ۇكىمەتتە لگبت وكىلدەرىنىڭ بار ەكەنىن جەتكىزدى. بۇل تۋرالى ول «قاسقا جول» باعدارلاماسىندا ايتتى، دەپ حابارلايدى «ادىرنا» ءتىلشىسى.

«ءبىزدىڭ بيلىكتە دە لگبت-نىڭ وكىلدەرى بار، وكىنىشكە قاراي. ۇكىمەتتە دە، اقوردادا دا. پارلامەنتتە دە بار شىعار دەپ ويلايمىن. ۇكىمەتتە بار ەكەنىنە سەنىمدىمىن. مەن ءتىپتى اتى-جوندەرىن دە بىلەمىن. اقوردادا دا بار. بۇرىن بولعان، قازىر بىلمەدىم. ويتكەنى، مەنىڭ ول جاقپەن قارىم-قاتىناسىم وتە از. كەزىندە ەندى قىزمەت بابىمەن كەمىندە ايىنا ءبىر رەت بارىپ تۇراتىنبىز. وكىنىشكە قاراي، ولار ءبىر-ءبىرىن تانيدى، بىلەدى، قولدايدى.  از بولسا دا، قولدارىنان ءبىراز نارسە كەلەتىنى بار. بۇنداي ارسىزدىققا جول بەرمەۋ قاجەت. شەرۋ وتكىزۋگە رۇقسات ەتپەۋ كەرەك»،—دەدى ول.

«ادىرنا» ۇلتتىق پورتالى

پىكىرلەر