ۆاكتسينا بەدەۋلىككە الىپ كەلەدى. الەۋمەتتىك جەلىلەردە وسىنداي مازمۇنداعى جازبالار تاراپ، جۇرتتى شوشىتۋدا. ەكپە ادامنىڭ رەپرودۋكتيۆتى جۇيەسىنە كەرى اسەر ەتىپ، ارتى قورقىنىشتى اياقتالىپ جاتاتىنىن ەستىگەندەردى ەكىويلى بولىپ، پرەپاراتتى سالدىرۋدان قاشقاقتايتىن كورىنەدى. ءبىز بۇل ماسەلە توڭىرەگىندە سالا ماماندارىن سوزگە تارتىپ، اق-قاراسىن انىقتاۋعا تىرىستىق. بۇل تۋرالى "ادىرنا" ۇلتتىق پورتالى «ەۋرازيا» ءبىرىنشى ارناسىنا سىلتەمە جاساپ حابارلايدى.
ەكپە ەركەكتى بەلسىز، ايەلدى بەدەۋلىككە الىپ كەلەدى! ودان بولەك، ادامنىڭ گەنەتيكاسىن وزگەرتۋى ابدەن مۇمكىن. بۇگىندە الەۋمەتىك جەلىدە وسىنداي سارىن داعى قاڭقۋ سوزدەر ءورىپ ءجۇر. اۋەلى نەگىزگىلەرىنە توقتالساق…
جۇقپالى ىندەتتى تەجەيتىن ەكپە راسىندا ايەل دەنساۋلىعىنا زيان با؟ وسى جايلى مامانداردان سۇراپ بىلدىك. تانىمال رەپرودۋكتولوگ سالتانات بايقوشقاروۆا «ادامنىڭ ۇرپاق وربىتۋىنە ەكپەنى ەشقانداي كەرى اسەرى جوق» دەپ كەسىپ ايتتى.
سالتانات بايقوشقاروۆا، رەپرودۋكتولوگ
ۆاكتسينانىڭ ادامنىڭ ۇرپاق وربۋىتۋىنە ەشقانداي كەرى اسەرى جوق! سوندىقتان جاتىرعا دا اسەرى جوق. سالىپ، ودان كەيىن بەدەۋ بولىپ قالامىز دەگەننىڭ ءبارى دۇرىس ەمەس، جالعان اقپارات، ساۋاتسىزدىق، عىلىمي تۇرعىدان ميعا قونىمسىز!».
تاعى ءبىر ماسەلە – ەكەكتەردىڭ بەلسىزدىگى!
دجەۆدەت كارامامۋد-وگلى، ۋرولوگ-اندرولوگ
كوۆيد-19 – ەر ازاماتتاردى ەرەكتيلدىڭ ديزفۋنكتسياسىنىڭ داۋىنا الىپ كەلەتىنى جايلى زەرتتەۋ بار. جالپى ەكپە ەمەس، كوروناۆيرۋستىڭ ءوزى ەركەكتەردى قيىن جاعدايعا الىپ كەلۋى ابدەن مۇمكىن دەگەن بولجام بار. ال مۇنىڭ الدىن الۋ ءۇشىن ۆاكتسينا سالدىرعان ءجون».
بالا كوتەرۋدى جوسپارلاپ جۇرگەندەردىڭ دە ءتۇرلى قاۋەسەتتەر مەن كوزبەن كورىپ، قولمەن ۇستاعانداي ايتقان دولبارلاردان مازاسى قاشقانى بەلگىلى. وسى رەتتە ماماندار بۇل ماسەلەگە نۇكتە قويدى.
سالتانات بايقوشقاروۆا، رەپرودۋكتولوگ
جۇكتى ايەلگە ۆيرۋس اۋىر وتەتىندىكتەن، سونىڭ الدىندا ۆاكتسينا سالعان دۇرىس دەپ جاتىر. جۇكتى بولعان وزىڭدە قازىرگە سولارعا ۆاكتسينا سالامىز دەگەندى قاراستىرىپ جاتىرمىز. ول جايدان جاي ماسەلەسى ەمەس. ءسابي ءولىمىنى ازايتۋ ءۇشىن كەلىپ جاتىر. جۇكتىلىكتى دە شەگەرۋگە تۋرا كەلەدى. قازىر ۋاقىت وتە كەلە كوزقاراس وزگەرۋى مۇمكىن».
بۇعان دەيىن دە دۇنيەجۇزىلىك دەنساۋلىق ساقتاۋ ۇيىمى بەدەۋلىك پەن دنق وزگەرۋىنە قاتىستى بىرقاتار قاۋەسەتتەردى جوققا شىعارعان بولاتىن.
