ماڭعىستاۋ وبلىسىندا مەديتسينا سالاسى قىزمەتكەرلەرىنىڭ 77 پايىزى كوروناۆيرۋس ۆاكتسيناسىن الدى، دەپ "ادىرنا" ۇلتتىق پورتالى قازاقپارات-قا سىلتەمە جاساي وتىرىپ حابارلايدى.
ماڭعىستاۋ وبلىستىق دەنساۋلىق ساقتاۋ باسكارماسىنىڭ مالىمەتىنشە، 7.2 مىڭنان استام مەديتسينا سالاسىنىڭ قىزمەتكەرى COVID-19 ينفەكتسياسىنا كارسى ۆاكتسينانى ەگىلگەن. «ماڭعىستاۋ وبلىسى بويىنشا جالپى مەديتسينا قىزمەتكەرلەرىنىڭ سانى 10 مىڭنان اسادى. ونىڭ ىشىندە 9 376 ۆاكتسينا الۋشىلار ساناتىنا كىرەدى. بۇگىندە ەكپە العاندار سانى 7 206 اق حالاتتى ابزال جانداردى قۇرايدى. 77% جەتىپ وتىر»، دەلىنگەن حابارلامادا. اعىمداعى مالىمەتتەر ءوڭىر تۇرعىندارىنىڭ ۆاكتسينا الۋدا بەلسەندىلىگى ارتقانىن كورسەتتى. ەكپە پۋنكتەرىنە كەلگەندەردىڭ قاتارى كوبەيگەن.
«مىسال رەتىندە ءبىزدىڭ ەمحانامىزدا مەدقىزىمەتكەرلەرىڭ 96 پايىزى ەكپە الدى. جەكسەنبى، سەنبى كۇندەرى دە جۇمىس جاساپ جاتىرمىز. حالىقتىڭ سانى كۇننەن كۇنگە ارتىپ جاتىر. قاجەت بولعان جاعدايدا تۇسىندىرمە جۇمىستارىن دا وسى جەردەن جۇرگىزىپ جاتىرمىز. كۇنىنە ەمحانامىزدا 200 ادام ەكپە الىپ جاتىر»، - دەدى اقتاۋداعى «ەركەمەD» ەمحاناسىنىڭ باس دارىگەرى سەرىك قاسىم.
ونىڭ ايتۋىنشا، مۇندا قىزمەتكەرلەرى كوپ ەڭبەك ۇجىمدارىنا بارىپ ۆاكتسيناتسيا جاساۋ قولعا الىنعان . تەك سانيتارلىق نورماعا ساي كەلەتىن ەكپە ورنى جاساقتالۋى كەرەك.
اقپارات inform.kz سايتىنان الىندى
