Vakına bedeýlikke alyp keledi. Áleýmettik jelilerde osyndaı mazmundaǵy jazbalar tarap, jurtty shoshytýda. Ekpe adamnyń reprodýktıvti júıesine keri áser etip, arty qorqynyshty aıaqtalyp jatatynyn estigenderdi ekioıly bolyp, preparatty saldyrýdan qashqaqtaıtyn kórinedi. Biz bul másele tóńireginde sala mamandaryn sózge tartyp, aq-qarasyn anyqtaýǵa tyrystyq. Bul týraly "Adyrna" ulttyq portaly «Eýrazııa» birinshi arnasyna silteme jasap habarlaıdy.
Ekpe erkekti belsiz, áıeldi bedeýlikke alyp keledi! Odan bólek, adamnyń genetıkasyn ózgertýi ábden múmkin. Búginde áleýmetik jelide osyndaı saryn daǵy qańqý sózder órip júr. Áýeli negizgilerine toqtalsaq…
Juqpaly indetti tejeıtin ekpe rasynda áıel densaýlyǵyna zııan ba? Osy jaıly mamandardan surap bildik. Tanymal reprodýktolog Saltanat Baıqoshqarova «adamnyń urpaq órbitýine ekpeni eshqandaı keri áseri joq» dep kesip aıtty.
Saltanat BAIQOShQAROVA, reprodýktolog
Vakınanyń adamnyń urpaq órbýitýine eshqandaı keri áseri joq! Sondyqtan jatyrǵa da áseri joq. Salyp, odan keıin bedeý bolyp qalamyz degenniń bári durys emes, jalǵan aqparat, saýatsyzdyq, ǵylymı turǵydan mıǵa qonymsyz!».
Taǵy bir másele – ekekterdiń belsizdigi!
Djevdet KARAMAMÝD-OGLY, ýrolog-androlog
Kovıd-19 – er azamattardy erektıldiń dızfýnkııasynyń daýyna alyp keletini jaıly zertteý bar. Jalpy ekpe emes, koronavırýstyń ózi erkekterdi qıyn jaǵdaıǵa alyp kelýi ábden múmkin degen boljam bar. Al munyń aldyn alý úshin vakına saldyrǵan jón».
Bala kóterýdi josparlap júrgenderdiń de túrli qaýesetter men kózben kórip, qolmen ustaǵandaı aıtqan dolbarlardan mazasy qashqany belgili. Osy rette mamandar bul máselege núkte qoıdy.
Saltanat BAIQOShQAROVA, reprodýktolog
Júkti áıelge vırýs aýyr ótetindikten, sonyń aldynda vakına salǵan durys dep jatyr. Júkti bolǵan ózińde qazirge solarǵa vakına salamyz degendi qarastyryp jatyrmyz. Ol jaıdan jaı máselesi emes. Sábı ólimini azaıtý úshin kelip jatyr. Júktilikti de shegerýge týra keledi. Qazir ýaqyt óte kele kózqaras ózgerýi múmkin».
Buǵan deıin de Dúnıejúzilik densaýlyq saqtaý uıymy bedeÝlik pen DNQ ózgerýine qatysty birqatar qaýesetterdi joqqa shyǵarǵan bolatyn.
