ءححى عاسىر ءبىلىم عاسىرى. بىراق قوعامدا ءوز قۇقىعىن قورعاۋ جايلى بىلمەيتىن ازاماتتاردىڭ قاراسى كوپ. بۇل جايىندا «ادىرنا» ۇلتتىق پورتالى زاڭ قىزمەتكەرلەرىمەن سۇحباتتاسقان بولاتىن.
پورتال ءتىلشىسىنىڭ اۋەلگى سۇراعى حالىقتىڭ قۇقىقتىق ساناسى بار ما، قانشالىقتى دەڭگەيدە قالىپتاسقاندىعى جايىندا بولدى.
بۇل سۇراققا ارنايى زاڭگەر ساعنادين مىرزا:
«-جاسىرىپ قايتەمىز، كوز كۋا. ەلىمىزدە قۇقىقتىق مادەنيەت پەن سانا قارقىنىنىڭ دامۋى تومەن دەڭگەيدە دەسەك بولادى. بۇل قۇبىلىس تەك قاراپايىم ادامدار اراسىندا عانا ەمەس، بەلدى ادامداردىڭ ءىس-ارەكەتتەرىنەن دە كورىنىس تاۋىپ جاتىر.» دەسە
زاڭ عىلىمدارىنىڭ كانديداتى نۇربول جەتىباەۆ:
«-قازاقستاندا شىنايى دەموكراتيالىق قوعام ءالى دە ءوز قارقىنىندا قۇرىلمادى. راسىندا، كەز-كەلگەن لاۋازىم يەسى ءوز ورنىندا ۇزاق مەرزىم وتىرادى. حالقىمىزدىڭ قۇقىقتىق مادەنيەتى مەن قۇقىقتىق ساناسى ازىرگە ءماز ەمەس. الايدا جاقسارۋى ءتيىس، جاقسارتۋىمىز كەرەك...» دەيدى.
زاڭ ماماندارىنىڭ كوزقاراسى بىردە ۇقساستىق تاپسا بىردە مۇلدەم وزگە. سونداي-اق، زاڭگەردىڭ ارنايى كەڭەسىن الاتىن ادامدار وتە كوپ. بۇل جايىندا نۇربول مىرزا ەلىمىزدەگى ادامداردى ورىسشا جانە قازاقشا سويلەيتىن ازاماتتار دەپ قاراستىرادى. ورىس تىلىندە سويلەيتىن ادامداردىڭ كوپ كەلەتىنىن، ال، قازاق ءتىلىن قولنۋشىلاردىڭ تومەن بەلسەندىلىكتە ەكەنىن ايتتى.
سونداي –اق ساعنادين مىرزانىنىڭ بەرگەن جاۋابى. حالىقتىڭ ءوز قۇقىعىن كەم بىلەتىنىن اڭعارتادى. ماماننىڭ ايتۋىنشا حالىقتىڭ ويى زاڭدى اقشا وزگەرتە الادى، كەز-كەلگەن قيىندىقتان شىعىپ كەتۋگە ەڭ ءبىرىنشى كومەكشى قۇرال اقشا دەگەن تۇسىنىك ابدەن سىڭگەن دەيدى. الايدا قاراجاتى جوق، زاڭدى بىلمەيتىن تۇلعالار تەلەارنالارعا بارىپ، قوعامنىڭ قادىرىن قاشىرىپ، وزدەرىنە دە زارەدەي زيان كەلتىرىپ وتىرعانىن العا تارتادى.
سونىمەن قاتار ادامدار اراسىندا زاڭ بىلمەۋشىلىكتەن تۋىنداعان جاعدايلار سوت ورگاندارىنىڭ جانە پروكۋراتۋرا، ادىلەت باسقارمالارىنىڭ دۇرىس جۇمىس جاساماي، تالقىعا سالا الماۋىندا بولىپ تۇرعاندىعىن تىلگە تيەك ەتتى.
مۇنان سوڭ قۇقىقتىق اكتىلەردىڭ قانداي جاعدايدا ارەكەت ەتەتىندىگى جايىنداعى ساۋالعا نۇربول مىرزا:
« بىزدە قابىلدانعان قۇقىقتىق اكتىلەردىڭ ساپاسى جامان ەمەس. باستى كەمشىلىك سول زاڭنىڭ كەيدە دۇرىس ورىندالماۋىندا. مىسالى، اقش-تىڭ بۇرىنعى پرەزيدەنتى كىشى دجوردج بۋشتىڭ قىزى كولىگىمەن جول ەرەجەسىن اقش پوليتسيا بولىمشەسى ونى جۇرگىزۋشى كۋالىگىنەن ايىرعان. اقش پرەزيدەنتى قىزىن اراشالاپ قالۋ ءۇشىن تۇكتە ىستەي المادى. ال، بىزدە وكىنىشكە وراي، باق بەتتەرىنەن اكىمنىڭ نەمەسە دوكەيدىڭ ۇلى جول ەرەجەسىن بۇزىپ، جازاسىز قالدى دەگەندى كوپ وقيمىز.» -دەيدى.
راسىمەن مۇنداي جاڭالىقتاردى كورگەندە جولى بولعىش اۋقاتتى ادامداردىڭ، قارا حالىقتان ايىرماسى قانداي دەگەن سانسىز سۇراقتار كوكەيدى تەپكىلەيدى.
قازىر ەلىمىزدىڭ كوپ بولىمدەرى ونلاينعا كوشتى. سونىڭ ىشىندە سوت ءماجىلىسى دە ونلاين فورماتتا. زاڭگەر نۇربولدىڭ ايتۋىنشا، ونلايندا ءماجىلىس وتكىزۋدىڭ ءتيىمدى جاقتارى كوپ. ماسەلەن، ازاماتتاردىڭ دەنساۋلىعىن قامتاماسىز ەتۋ، جالپى قاۋىمعا اشىق تۇردە ءوتۋى، زاڭگەرلەردىڭ سوت پروتسەسىنىڭ قالاي ادال وتكەندىگىنە باعا بەرۋىنە مۇمكىندىك سىيلاۋى.
زاڭگەر ادام قۇقىعىن قورعاۋ بويىنشا ۇكىمەت ەمەس ۇيىمدار جۇمىس اتقارۋدا. ولاردىڭ جۇمىسى قارقىندا ەمەس. الايدا ءبىرشاما جۇمىستى وتە جاقسى دەڭگەيدە اتقارىپ جۇرگەندىگىن، ءارى ەلدەگى دەموكراتيالىق قوعامىمىزدىڭ اسا قاتتى دامىماعاندىعىن، تۇلعا قۇقىعىن قورعاۋ بويىنشا ۇكىمەتتىڭ قۇزىرىنداعى ەمەس ۇيىمداردىڭ اينالىسىپ جاتقاندىعىنان اڭعاۋعا بولاتىنىن ايتتى.
حالقىمىزدىڭ بارلىعىندا قۇقىقتىق سانا قالىپتاسسا سىبايلاس جەمقورلىق جوعالۋعا جاقىنداماق. قوعامىمىزدا جەمقورلىق پەن تامىر-تانىستىق ءالى دە جويىلماعانىن ءبىلىپ وتىرعان زاڭگەر، قۇقىقتىق سانا قالىپتاسسا جەمقورلىق ازايۋى مۇمكىن ەكەنىن، بىراق، قىلمىستى ازايتا المايتىنىنا كەپىلدىك جوق ەكەنىن ايتادى.
زاڭ ورتاق، تالاپ ءبىر. بىلە ءجۇرۋ - ءبىزدىڭ مىندەت.
ءىنجۋ ومىرزاق،
"ادىرنا" ۇلتتىق پورتالى
