شىمكەنت قالاسى اكىمىنىڭ توراعالىعىمەن قالاداعى تازالىق جۇمىستارى مەن كورىكتەندىرۋ بويىنشا كوشپەلى جينالىس ءوتتى. وندا اۋدان اكىمدەرى مەن باسقارما باسشىلارىنىڭ سانيتارلىق تازالىق بويىنشا اتقارىلعان جۇمىستارىنىڭ ەسەبى تىڭدالدى.
«تابيعي رەسۋرستار جانە تابيعات پايدالانۋدى رەتتەۋ» باسقارماسىنىڭ باسشىسى قالاداعى 211 نىسانعا (ساياباق، سكۆەر، ەسكەرتكىشتەر، سۋبۇرقاق) كۇتىپ-باپتاۋ جۇمىستارىن جۇرگىزۋگە بيىل بيۋدجەتتەن 3 ملرد 323 ملن تەڭگە بولىنگەنىن ايتتى. ونىڭ ىشىندە «كوك»، «چۋمچاك»، «سايرام سۋ ساي» كانالدارىنا كۇردەلى جوندەۋ جۇمىستارى جۇرگىزىلىپ بيىل اياقتالادى.
جيىندا قالا اكىمى قالامىزدى تازا ۇستاۋ الدىمەن ءاربىر قالا تۇرعىنىنىڭ، ودان كەيىن ءتيىستى مەردىگەرلەردىڭ جۇيەلى جۇمىسىنا تىكەلەي بايلانىستى ەكەنىن اتاپ ءوتتى.
- قالاداعى ۇلكەن كوشەلەردى اۋدان اكىمدىكتەرى، ءۇي اينالاسىن كوندومينيۋم، ساۋدا نىساندارىنىڭ تازالىعىنا كەلىسىمشارتپەن كاسىپكەرلەر جاۋاپتى بولۋلارى كەرەك. تازالىقتا يەسىز جەر بولماۋى ءتيىس. مەردىگەر مەكەمەلەر اۋدان اكىمدىكتەرىمەن ەتە جۇمىس جاساۋى قاجەت. ەندى ولارعا الەۋمەتتىك جەلىدەگى سىن-شاعىمدار دالەل رەتىندە قابىلدانىپ، ايىپپۇل سالىناتىن بولادى. اۋلا ىشىنە تۇرعىندارمەن كەلىسىمشارتى بار مەكەمەلەر جاۋاپتى. سوندىقتان تۇرعىندار اراسىندا تازالىقتى ناسيحاتتاپ، كوپتەر ناسيحاتتىق باننەرلەر ءىلىنسىن. ءۇشىنشى مەگاپوليس رەتىندە نۇر-سۇلتان مەن الماتى قالالارىنا بوي تۇزەيمىز. قالا تازالىعى ماڭىزدى. قولايلى ارا-رايى بار قالا تازا بولۋى كەرەك. قالامەن بىرگە تۇرعىندار ساناسى دا دامۋى ءتيىس، - مۇرات ايتەنوۆ.
قالا اكىمى جىل باسىنان ءار اۋدانعا تازالىقتى قاتاڭ باقىلاۋ ماقساتىندا 4 ەكولوگيالىق مامان بولىنگەنىن، الداعى ۋاقىتتا ولاردىڭ سانىن ونعا دەيىن كوبەيتۋدى تاپسىردى. قۇرىلىس قالدىقتارىن تاستاۋشىلارعا نولدىك توزبەۋشىلىك كورسەتۋگە، پوليتسيا قىزمەتكەرلەرىن بۇل جۇمىسقا بەلسەنە قاتىسۋعا شاقىردى. بەينەباقىلاۋ قويۋ جەرلەر قاجەتتىگى بولسا ۇسىنىس ەنگىزۋ كەرەكتىگى ايتىلدى.
سونىمەن قاتار، بيۋدجەت قاراجاتىن ۇنەمدەۋ ءۇشىن كوپ جىلدىق گۇلدەر ەگۋگە كوشۋدى جۇكتەدى.
شىمكەنت قالاسى اكىمدىگىنىڭ ءباسپاسوز قىزمەتى
