Shymkent qalasy ákiminiń tóraǵalyǵymen qaladaǵy tazalyq jumystary men kóriktendirý boıynsha kóshpeli jınalys ótti. Onda aýdan ákimderi men basqarma basshylarynyń sanıtarlyq tazalyq boıynsha atqarylǵan jumystarynyń esebi tyńdaldy.
«Tabıǵı resýrstar jáne tabıǵat paıdalanýdy retteý» basqarmasynyń basshysy qaladaǵy 211 nysanǵa (saıabaq, skver, eskertkishter, sýburqaq) kútip-baptaý jumystaryn júrgizýge bıyl bıýdjetten 3 mlrd 323 mln teńge bólingenin aıtty. Onyń ishinde «Kók», «Chýmchak», «Saıram sý saı» kanaldaryna kúrdeli jóndeý jumystary júrgizilip bıyl aıaqtalady.
Jıynda qala ákimi qalamyzdy taza ustaý aldymen árbir qala turǵynynyń, odan keıin tıisti merdigerlerdiń júıeli jumysyna tikeleı baılanysty ekenin atap ótti.
- Qaladaǵy úlken kóshelerdi aýdan ákimdikteri, úı aınalasyn kondomınıým, saýda nysandarynyń tazalyǵyna kelisimshartpen kásipkerler jaýapty bolýlary kerek. Tazalyqta ıesiz jer bolmaýy tıis. Merdiger mekemeler aýdan ákimdikterimen ete jumys jasaýy qajet. Endi olarǵa áleýmettik jelidegi syn-shaǵymdar dálel retinde qabyldanyp, aıyppul salynatyn bolady. Aýla ishine turǵyndarmen kelisimsharty bar mekemeler jaýapty. Sondyqtan turǵyndar arasynda tazalyqty nasıhattap, kópter nasıhattyq bannerler ilinsin. Úshinshi megapolıs retinde Nur-Sultan men Almaty qalalaryna boı túzeımiz. Qala tazalyǵy mańyzdy. Qolaıly ara-raıy bar qala taza bolýy kerek. Qalamen birge turǵyndar sanasy da damýy tıis, - Murat Áıtenov.
Qala ákimi jyl basynan ár aýdanǵa tazalyqty qatań baqylaý maqsatynda 4 ekologııalyq maman bólingenin, aldaǵy ýaqytta olardyń sanyn onǵa deıin kóbeıtýdi tapsyrdy. Qurylys qaldyqtaryn tastaýshylarǵa nóldik tózbeýshilik kórsetýge, polıııa qyzmetkerlerin bul jumysqa belsene qatysýǵa shaqyrdy. Beınebaqylaý qoıý jerler qajettigi bolsa usynys engizý kerektigi aıtyldy.
Sonymen qatar, bıýdjet qarajatyn únemdeý úshin kóp jyldyq gúlder egýge kóshýdi júktedi.
Shymkent qalasy ákimdiginiń baspasóz qyzmeti
