Şymkent qalasy äkımınıŋ töraǧalyǧymen qaladaǧy tazalyq jūmystary men körıktendıru boiynşa köşpelı jinalys öttı. Onda audan äkımderı men basqarma basşylarynyŋ sanitarlyq tazalyq boiynşa atqarylǧan jūmystarynyŋ esebı tyŋdaldy.
«Tabiǧi resurstar jäne tabiǧat paidalanudy retteu» basqarmasynyŋ basşysy qaladaǧy 211 nysanǧa (saiabaq, skver, eskertkışter, subūrqaq) kütıp-baptau jūmystaryn jürgızuge biyl biudjetten 3 mlrd 323 mln teŋge bölıngenın aitty. Onyŋ ışınde «Kök», «Chumchak», «Sairam su sai» kanaldaryna kürdelı jöndeu jūmystary jürgızılıp biyl aiaqtalady.
Jiynda qala äkımı qalamyzdy taza ūstau aldymen ärbır qala tūrǧynynyŋ, odan keiın tiıstı merdıgerlerdıŋ jüielı jūmysyna tıkelei bailanysty ekenın atap öttı.
- Qaladaǧy ülken köşelerdı audan äkımdıkterı, üi ainalasyn kondominium, sauda nysandarynyŋ tazalyǧyna kelısımşartpen käsıpkerler jauapty bolulary kerek. Tazalyqta iesız jer bolmauy tiıs. Merdıger mekemeler audan äkımdıkterımen ete jūmys jasauy qajet. Endı olarǧa äleumettık jelıdegı syn-şaǧymdar dälel retınde qabyldanyp, aiyppūl salynatyn bolady. Aula ışıne tūrǧyndarmen kelısımşarty bar mekemeler jauapty. Sondyqtan tūrǧyndar arasynda tazalyqty nasihattap, köpter nasihattyq bannerler ılınsın. Üşınşı megapolis retınde Nūr-Sūltan men Almaty qalalaryna boi tüzeimız. Qala tazalyǧy maŋyzdy. Qolaily ara-raiy bar qala taza boluy kerek. Qalamen bırge tūrǧyndar sanasy da damuy tiıs, - Mūrat Äitenov.
Qala äkımı jyl basynan är audanǧa tazalyqty qataŋ baqylau maqsatynda 4 ekologiialyq maman bölıngenın, aldaǧy uaqytta olardyŋ sanyn onǧa deiın köbeitudı tapsyrdy. Qūrylys qaldyqtaryn tastauşylarǧa nöldık tözbeuşılık körsetuge, polisiia qyzmetkerlerın būl jūmysqa belsene qatysuǧa şaqyrdy. Beinebaqylau qoiu jerler qajettıgı bolsa ūsynys engızu kerektıgı aityldy.
Sonymen qatar, biudjet qarajatyn ünemdeu üşın köp jyldyq gülder eguge köşudı jüktedı.
Şymkent qalasy äkımdıgınıŋ baspasöz qyzmetı
