شىمكەنت قالاسىنداعى №2 ارناۋلى الەۋمەتتىك قىزمەتتەر كورسەتۋ ورتالىعىنىڭ ۇيىمداستىرۋىمەن مۇمكىندىگى شەكتەۋلى ازاماتتار اراسىندا سپورتتىق سايىس ءوتتى. سايىستا «بايشەشەك» پەن «قىزعالداق» اتتى ەكى توپ باق سىناستى. ويىننىڭ شارتى بويىنشا الدىمەن ءار توپ ءوز ۇراندارىن ايتىپ شىقتى. سودان سوڭ جۇگىرۋ ەستوفەتاسى، قاپپەن سەكىرۋ، تۋننەلدەن ءوتۋ، ارقان تارتىس جانە ءار توپتىڭ سپورتتىق ءبيى ورىندالدى. ناتيجەسىندە «بايشەشەك» توبى جەڭىسكە جەتتى.
«شىنىقساڭ -شىمىر بولاسىڭ» تاقىرىبىنداعى جارىس ورتالىقتا ەم قابىلداۋشىلاردىڭ پسيحيكالىق جاي-كۇيى ەسكەرىلە وتىرىپ، قابىلەتتەرىنە قاراي ۇيىمداستىرىلدى. سپورتتىق ءىس-شارانىڭ ماقساتى - مۇمكىندىگى شەكتەۋلى ازاماتتاردىڭ قۇقىقتارىن ساقتاۋ، الەۋمەتتىك جاعدايىن جاقسارتۋعا جانە سالاۋاتتى ءومىر سالتىن ۇستانۋعا ايرىقشا نازار اۋدارۋ دەيدى ۇيىمداستىرۋشىلار. تارتىسقا تولى وتكەن سپورتتىق جيىندا بارلىق قاتىسۋشىلار سىي-سياپاتپەن ماراپاتتالدى.
اتالمىش ورتالىقتا جاسى 18 دەن اسقان، پسيحونەۆرولوگيالىق اۋرۋى بار 1 جانە 2 توپ مۇگەدەك ازاماتتارعا ارناۋلى الەۋمەتتىك قىزمەت تۇرلەرى كورسەتىلەدى.
شىمكەنت قالاسى اكىمدىگىنىڭ ءباسپاسوز قىزمەتى
