Shymkent qalasyndaǵy №2 arnaýly áleýmettik qyzmetter kórsetý ortalyǵynyń uıymdastyrýymen múmkindigi shekteýli azamattar arasynda sporttyq saıys ótti. Saıysta «Báısheshek» pen «Qyzǵaldaq» atty eki top baq synasty. Oıynnyń sharty boıynsha aldymen ár top óz urandaryn aıtyp shyqty. Sodan soń júgirý estofetasy, qappen sekirý, týnnelden ótý, arqan tartys jáne ár toptyń sporttyq bıi oryndaldy. Nátıjesinde «Báısheshek» toby jeńiske jetti.
«Shynyqsań -shymyr bolasyń» taqyrybyndaǵy jarys ortalyqta em qabyldaýshylardyń psıhıkalyq jaı-kúıi eskerile otyryp, qabiletterine qaraı uıymdastyryldy. Sporttyq is-sharanyń maqsaty - múmkindigi shekteýli azamattardyń quqyqtaryn saqtaý, áleýmettik jaǵdaıyn jaqsartýǵa jáne salaýatty ómir saltyn ustanýǵa aıryqsha nazar aýdarý deıdi uıymdastyrýshylar. Tartysqa toly ótken sporttyq jıynda barlyq qatysýshylar syı-sııapatpen marapattaldy.
Atalmysh ortalyqta jasy 18 den asqan, psıhonevrologııalyq aýrýy bar 1 jáne 2 top múgedek azamattarǵa arnaýly áleýmettik qyzmet túrleri kórsetiledi.
Shymkent qalasy ákimdiginiń baspasóz qyzmeti
