Şymkent qalasyndaǧy №2 arnauly äleumettık qyzmetter körsetu ortalyǧynyŋ ūiymdastyruymen mümkındıgı şekteulı azamattar arasynda sporttyq saiys öttı. Saiysta «Bäişeşek» pen «Qyzǧaldaq» atty ekı top baq synasty. Oiynnyŋ şarty boiynşa aldymen är top öz ūrandaryn aityp şyqty. Sodan soŋ jügıru estofetasy, qappen sekıru, tunnelden ötu, arqan tartys jäne är toptyŋ sporttyq biı oryndaldy. Nätijesınde «Bäişeşek» toby jeŋıske jettı.
«Şynyqsaŋ -şymyr bolasyŋ» taqyrybyndaǧy jarys ortalyqta em qabyldauşylardyŋ psihikalyq jai-küiı eskerıle otyryp, qabıletterıne qarai ūiymdastyryldy. Sporttyq ıs-şaranyŋ maqsaty - mümkındıgı şekteulı azamattardyŋ qūqyqtaryn saqtau, äleumettık jaǧdaiyn jaqsartuǧa jäne salauatty ömır saltyn ūstanuǧa airyqşa nazar audaru deidı ūiymdastyruşylar. Tartysqa toly ötken sporttyq jiynda barlyq qatysuşylar syi-siiapatpen marapattaldy.
Atalmyş ortalyqta jasy 18 den asqan, psihonevrologiialyq auruy bar 1 jäne 2 top mügedek azamattarǧa arnauly äleumettık qyzmet türlerı körsetıledı.
Şymkent qalasy äkımdıgınıŋ baspasöz qyzmetı
