شىمكەنت قالاسىندا ەڭبەك نارىعىنا قاجەتتى بىلىكتى كادرلاردى دايارلاۋ ماقساتىندا بيىل «جاس مامان» جوباسى شەڭبەرىندە 5 كوللەدجدى (يندۋستريالدى تەحنيكالىق كوللەدج، پوليتەحنيكالىق كوللەدج، ەنەرگەتيكا جانە بايلانىس كوللەدجى، تاماقتاندىرۋ يندۋسترياسى جانە سەرۆيس كوللەدجى، م.وتەباەۆ ات. جوعارعى جاڭا تەحنولوگيالار كوللەدجى) زاماناۋي ماتەرتالدىق-تەحنيكالىق بازامەن جاراقتاندىرۋ ءۇشىن قارجى قارالدى.
ودان وزگە، كوللەدجدەردە وڭىرگە قاجەتتى تۋريزم، قۇرىلىس، جەڭىل ونەركاسىپ، ءۇي جاعدايىندا بالا كۇتۋشى، ءىت ماماندىقتارىنا ليتسەنزيالار الىنۋدا.
الداعى ۋاقىتتا ءبىلىم الۋشىلاردىڭ دۋالدى جۇيەمەن ءبىلىم العان مەرزىمى ەڭبەك ءوتىلى رەتىندە ەسەپتەلۋى ءۇشىن الەۋمەتتىك سەرىكتەستەرمەن كەلىسىمشارتتار ءتۇزىلۋ ۇستىندە. كوللەدجدەردە اقىلى نەگىزدە قىزمەت كورسەتۋ، وقۋ-وندىرىستىك شەبەرحانالاردا، شارۋاشىلىقتاردا دايىنداعان ءونىمىن ساتۋ مۇمكىندىگى قاراستىرىلادى.
سونىمەن قاتار، «جاس مامان» باعدارلاماسى اياسىندا تولىق جابدىقتالعان №6 «جەڭىل ونەركاسىپ جانە سەرۆيس كوللەدجى» ستۋدەنتتەرى اراسىنان جوعارى بىلىكتى باسەكەگە قابىلەتتى مامانداردى دايارلاۋ جانە «WorldSkills» جۇمىسشى ماماندىقتارى چەمپيوناتىنىڭ» ءسان تەحنولوگياسى قۇزىرەتتىلىگى بويىنشا قازاقستان قۇراما كومانداسىن دايىنداۋ، «Future Skills» ماماندىعىنىڭ «تسيفرلىق مودەلدەۋ» قۇزىرەتتىلىگىن اشىپ، ۇزدىك الەمدىك تاجىريبەلەردى ەنگىزۋ باعىتى بويىنشا جوبالار باستالادى.
شىمكەنت قالاسى اكىمدىگىنىڭ ءباسپاسوز قىزمەتى
