Şymkent qalasynda eŋbek naryǧyna qajettı bılıktı kadrlardy daiarlau maqsatynda biyl «Jas maman» jobasy şeŋberınde 5 kolledjdı (İndustrialdy tehnikalyq kolledj, Politehnikalyq kolledj, Energetika jäne bailanys kolledjı, Tamaqtandyru industriiasy jäne servis kolledjı, M.Ötebaev at. Joǧarǧy jaŋa tehnologiialar kolledjı) zamanaui matertaldyq-tehnikalyq bazamen jaraqtandyru üşın qarjy qaraldy.
Odan özge, kolledjderde öŋırge qajettı turizm, qūrylys, jeŋıl önerkäsıp, üi jaǧdaiynda bala kütuşı, IT mamandyqtaryna lisenziialar alynuda.
Aldaǧy uaqytta bılım aluşylardyŋ dualdy jüiemen bılım alǧan merzımı eŋbek ötılı retınde esepteluı üşın äleumettık serıktestermen kelısımşarttar tüzılu üstınde. Kolledjderde aqyly negızde qyzmet körsetu, oqu-öndırıstık şeberhanalarda, şaruaşylyqtarda daiyndaǧan önımın satu mümkındıgı qarastyrylady.
Sonymen qatar, «Jas maman» baǧdarlamasy aiasynda tolyq jabdyqtalǧan №6 «Jeŋıl önerkäsıp jäne servis kolledjı» studentterı arasynan joǧary bılıktı bäsekege qabılettı mamandardy daiarlau jäne «WorldSkills» jūmysşy mamandyqtary chempionatynyŋ» sän tehnologiiasy qūzyrettılıgı boiynşa Qazaqstan qūrama komandasyn daiyndau, «Future Skills» mamandyǧynyŋ «sifrlyq modeldeu» qūzyrettılıgın aşyp, üzdık älemdık täjıribelerdı engızu baǧyty boiynşa jobalar bastalady.
Şymkent qalasy äkımdıgınıŋ baspasöz qyzmetı
