نۇرتاس ادامباي جاۋاپتى ورگاندارعا شۇيلىكتى: حان قاسىندا جەرلەنگەن قاراشا كىم؟

6015

بەلگىلى پروديۋسەر نۇرتاس ادامباي Facebook جەلىسىندەگى رەسمي پاراقشاسىندا جاۋاپتى ورگاندارعا شۇيلىكتى. ونىڭ ايتۋىنشا، شىڭعىس حاننىڭ ۇلكەن ۇلى جوشى حان كەسەنەسىنىڭ جانىندا XXI عاسىردا ءومىر سۇرگەن بەلگىسىز ءبىر ادامعا كەسەنە ورنالاسقان.

«وڭ جاقتاعى كەسەنە جوشى حان كەسەنەسىنەن كەم تۇسپەيتىندىگىنە قاراعاندا، بۇل كىسى دە وتە قۇرمەتتى ادام بولعان شىعار.

بىراق قازىرگى زامان تالابىنا ساي جەرلەۋ ءۇشىن باسقا جەر ۋچاسكەسىن تابۋ مۇمكىن بولمادى ما؟ وسىدان جۇزدەگەن شاقىرىم جەردە بوس جاتقان دالا بار، بىراق بىرەۋ اتا-باباسىنىڭ رۋحىن التىن وردا بيلەۋشىسىنىڭ رۋحىنا جاقىنداتۋعا شەشىم قابىلداعان با؟

جاۋاپتى تۇلعالار مەن ورگاندار قايدا قارايدى؟ مەنىڭ بىلۋىمشە، تاريحي ەسكەرتكىشتەردىڭ جانىنا ەشتەڭە سالۋعا بولمايدى.

ءبىز ءوز تاريحىمىزدى باعالاۋ قاجەتتىلىگى تۋرالى ءجيى ايتامىز. بىراق ءدال وسىنداي وقيعالار ءبىزدىڭ تەك ءسوز جۇزىندە ايتىپ ۇيرەنگەنىمىزدى دالەلدەيدى. مادەنيەت مينيسترلىگى مەن ءىىم وسى جاعدايعا نازار اۋدارادى دەپ ۇمىتتەنەمىن»،-دەدى ول.

«ادىرنا» ۇلتتىق پورتالى

پىكىرلەر
رەداكتسيا تاڭداۋى