حالىقارالىق كاراتە فەدەراتسياسى (WKF) جۇرگىزگەن رەيتينگى بويىنشا وتكەن جىلى شىمكەنتتىك سپورتشى دارحان ءاسادىلوۆ الەمدىك رەيتينگ بويىنشا ەڭ ۇزدىك كاراتەشىلەردىڭ كوشىن باستاعان.
ول 60 كەلىگە دەيىنگى سالماقتا 9517 ۇپايمەن ۇزدىكتەر قاتارىنان كورىنگەن. ءاسادىلوۆتىڭ باستى قارسىلاستارى اندجەلو كرەچەنزو (يتاليا) مەن شامدان ەراي (تۇركيا) ەكىنشى جانە ءۇشىنشى ورىندا بولعان.
⠀
بۇگىندە 60 كەلى سالماق دارەجەسىندە ونەر كورسەتەتىن جەرلەسىمىز وليمپيادالىق رەيتينگتە كوش (600 سپورتشىنىڭ اراسىندا) باسىندا تۇرعاندىقتان، XXXII-جازعى وليمپيادا ويىندارىنىڭ جولداماسىن مەرزىمىنەن بۇرىن يەلەندى. ايتا كەتەيىك، توكيو وليمپياداسىنا كاراتە سپورت ءتۇرى العاش رەت ەنىپ وتىر.
دارحان ءاسادىلوۆ ءوزىنىڭ سپورتتىق جولىندا 11 پرەمەر-ليگاعا قاتىسىپ، ونىڭ سەگىزىندە جەڭىسكە جەتكەن. ول 1987 جىلى تۋىلعان. بويى 165 سم. جەكە جاتتىقتىرۋشىسى ش.قاجىمۇقان. سپورتتىق اتاعى قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى.
شىمكەنت قالاسى اكىمدىگىنىڭ ءباسپاسوز قىزمەتى
