Halyqaralyq karate federasiiasy (WKF) jürgızgen reitingı boiynşa ötken jyly şymkenttık sportşy Darhan Asadılov älemdık reiting boiynşa eŋ üzdık karateşılerdıŋ köşın bastaǧan.
Ol 60 kelıge deiıngı salmaqta 9517 ūpaimen üzdıkter qatarynan körıngen. Asadılovtıŋ basty qarsylastary Andjelo Krechenzo (İtaliia) men Şamdan Erai (Türkiia) ekınşı jäne üşınşı orynda bolǧan.
⠀
Bügınde 60 kelı salmaq därejesınde öner körsetetın jerlesımız Olimpiadalyq reitingte köş (600 sportşynyŋ arasynda) basynda tūrǧandyqtan, XXXII-jazǧy Olimpiada Oiyndarynyŋ joldamasyn merzımınen būryn ielendı. Aita keteiık, Tokio Olimpiadasyna karate sport türı alǧaş ret enıp otyr.
Darhan Asadılov özınıŋ sporttyq jolynda 11 Premer-ligaǧa qatysyp, onyŋ segızınde jeŋıske jetken. Ol 1987 jyly tuylǧan. Boiy 165 sm. Jeke jattyqtyruşysy Ş.Qajymūqan. Sporttyq ataǧy Qazaqstan Respublikasynyŋ halyqaralyq därejedegı sport şeberı.
Şymkent qalasy äkımdıgınıŋ baspasöz qyzmetı
