شىمكەنتتە ىندەتتىڭ ءۇش شتاممى دا انىقتالدى

948
Adyrna.kz Telegram

شىمكەنتتە ىندەتكە بايلانىستى قۇرىلعان شتابتىڭ كەزەكتى وتىرىسى ءوتتى. جيىندا كوروناۆيرۋس ينفەكتسياسىمەن كۇرەس ناتيجەلەرى، اتقارىلعان جۇمىستار جانە الداعى جوسپارلار تالقىعا ءتۇستى.

الەمدەگى ەپيدەميولوگيالىق احۋال كۇردەلى. وتكەن تاۋلىكتەردە گەرمانيا، وزبەكستان، ءۇندىستاندا كۆي جۇقتىرۋ دەرەكتەرى كوبەيگەن.
قالالىق دەنساۋلىق ساقتاۋ باسقارماسىنىڭ باسشىسى باقىتجان پوزيلوۆتىڭ ايتۋىنشا، شىمكەنت قالاسىندا دۇنيە جۇزىندە تارالىپ جاتقان ىندەتتىڭ ءۇش شتاممى دا تىركەلگەن. بۇل جونىندە ەڭ قىسقا ۋاقىت ىشىندە ارنايى بريفينگ وتەتىن بولادى. سوندىقتان دا ساقتىق شارالارىن قاتاڭ ۇساۋدىڭ ماڭىزدىلىعىنا توقتالدى.

جىل باسىنان 3155, سوڭعى تاۋلىكتە 131 جاعداي تىركەلگەن. 1848 ادام ەمدەلىپ شىققان.

باسقارما باسشىسى قالادا 38 بەكەتتە ۆاكتسينالاۋ جۇرگىزىلىپ جاتقانىن، ەكپە الۋشىلار اراسىندا مۇعالىمدەر الدا كەلە جاتقانىن اتاپ ءوتتى. 22 ساۋىردە قالادا 839 ادام ۆاكتسينا الدى: I كومپونەنت – 826, II كومپونەنت – 13. ەگۋ ناۋقانى باستالعالى بارلىعى 73 972 ادام ۆاكتسيناتسيالاندى. ونىڭ ىشىندە 7 160 ادامعا ۆاكتسينانىڭ ەكى كومپونەنتى سالىندى.
ۆاكتسينا سالدىرۋ باستاپقى كەزدەرى باياۋ جۇرگەن بولسا، قازىرگى قارقىنى جاقسى. قازىرگى تاڭدا ۆاكتسينا العان مۇعالىمدەر – 16 311, مەديتسينا – 11 043, قۇقىق قورعاۋ قىزمەتكەرلەرى – 6315, سوزىلمالى اۋرۋلارى بار ازاماتتار – 4566, ستۋدەنتتەر – 2306 جانە باسقالار – 33 421 ادام.
شىمكەنت ۆاكتسينالاۋ جوسپارىن ورىنداۋ بويىنشا «جاسىل ايماقتا».

قالا اكىمى مۇرات ايتەنوۆ ۆاكتسينالاۋ جۇمىستارىن ءالى دە كۇشەيتۋ قاجەتتىگىنە نازار اۋداردى. قازىرگى باستى ماقسات – تەزىرەك «قىزىل ايماقتان» شىعۋ. قالادا ۆاكتسينا جەتكىلىكتى. ەكپە ەگۋدىڭ ماڭزىدىلىعى بويىنشا ناسيحات جۇمىستارىن ءالى دە جانداندىرۋ قاجەت.

مامانداندىرىلعان ينفەكتسيالىق ستاتسيونارلاردا بارلىعى 1 290 ورىن بار (قالالىق ينفەكتسيالىق ورتالىق – 490, «اتامەكەن» كلينيكاسى – 450, ورىنباي گبوو – 70 ورىن، №14 ەمدەۋ ورتالىعى – 250, قالالىق پەريناتالدىق ورتالىق – 30). ينفەكتسيالىق ستاتسيوناردا 504 ناۋقاس ەمدەلۋدە (كۆي-278, پنەۆمونيا- 221, جرۆي- 5).

ودان بولەك، قالاداعى ءدارى دارمەك قورىن جۇيەلى تۇردە تەكسەرىپ تۇرۋ كەرەكتىگىن اتاپ وتكەن م.ايتەنوۆ، "قاعازداعى كورسەتكىشتەردى تەكسەرىپ وتىرۋدا پايدا بار.

قالا اكىمى شتابتا باياندالعان اقپاراتتىڭ دۇرىستىعى الداعى اپتا ءۇشىن شەشىم شىعارۋدا ماڭىزدى رول وينايتىنىن، سوندىقتان دا تسيفرلاردىڭ دۇرىستىعىن قاداعالاۋدى تاپسىردى.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر