Şymkentte ındetke bailanysty qūrylǧan ştabtyŋ kezektı otyrysy öttı. Jiynda koronavirus infeksiiasymen küres nätijelerı, atqarylǧan jūmystar jäne aldaǧy josparlar talqyǧa tüstı.
Älemdegı epidemiologiialyq ahual kürdelı. Ötken täulıkterde Germaniia, Özbekstan, Ündıstanda KVİ jūqtyru derekterı köbeigen.
Qalalyq densaulyq saqtau basqarmasynyŋ basşysy Baqytjan Pozilovtyŋ aituynşa, Şymkent qalasynda dünie jüzınde taralyp jatqan ındettıŋ üş ştammy da tırkelgen. Būl jönınde eŋ qysqa uaqyt ışınde arnaiy brifing ötetın bolady. Sondyqtan da saqtyq şaralaryn qataŋ ūsaudyŋ maŋyzdylyǧyna toqtaldy.
Jyl basynan 3155, soŋǧy täulıkte 131 jaǧdai tırkelgen. 1848 adam emdelıp şyqqan.
Basqarma basşysy qalada 38 bekette vaksinalau jürgızılıp jatqanyn, ekpe aluşylar arasynda mūǧalımder alda kele jatqanyn atap öttı. 22 säuırde qalada 839 adam vaksina aldy: I komponent – 826, II komponent – 13. Egu nauqany bastalǧaly barlyǧy 73 972 adam vaksinasiialandy. Onyŋ ışınde 7 160 adamǧa vaksinanyŋ ekı komponentı salyndy.
Vaksina saldyru bastapqy kezderı baiau jürgen bolsa, qazırgı qarqyny jaqsy. Qazırgı taŋda vaksina alǧan mūǧalımder – 16 311, medisina – 11 043, qūqyq qorǧau qyzmetkerlerı – 6315, sozylmaly aurulary bar azamattar – 4566, studentter – 2306 jäne basqalar – 33 421 adam.
Şymkent vaksinalau josparyn oryndau boiynşa «jasyl aimaqta».
Qala äkımı Mūrat Äitenov vaksinalau jūmystaryn älı de küşeitu qajettıgıne nazar audardy. Qazırgı basty maqsat – tezırek «qyzyl aimaqtan» şyǧu. Qalada vaksina jetkılıktı. Ekpe egudıŋ maŋzydylyǧy boiynşa nasihat jūmystaryn älı de jandandyru qajet.
Mamandandyrylǧan infeksiialyq stasionarlarda barlyǧy 1 290 oryn bar (qalalyq infeksiialyq ortalyq – 490, «Atameken» klinikasy – 450, Orynbai GBOO – 70 oryn, №14 emdeu ortalyǧy – 250, qalalyq perinataldyq ortalyq – 30). İnfeksiialyq stasionarda 504 nauqas emdelude (KVİ-278, pnevmoniia- 221, JRVİ- 5).
Odan bölek, qaladaǧy därı därmek qoryn jüielı türde tekserıp tūru kerektıgın atap ötken M.Äitenov, "qaǧazdaǧy körsetkışterdı tekserıp otyruda paida bar.
Qala äkımı ştabta baiandalǧan aqparattyŋ dūrystyǧy aldaǧy apta üşın şeşım şyǧaruda maŋyzdy rol oinaitynyn, sondyqtan da sifrlardyŋ dūrystyǧyn qadaǧalaudy tapsyrdy.
Şymkent qalasy äkımdıgınıŋ baspasöz qyzmetı
