شىمكەنت قالاسىندا جۇمىسپەن قامتۋ قارقىندى جۇرگىزىلۋدە. ۋاقىتشا جۇمىسقا ورنالاسقان ازاماتتاردىڭ ءبىرى – ىزەت ايتقۇل.
ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىن «مۇناي-گاز ءىسى» ماماندىعى بويىنشا تامامداعان جاس مامان ءبىراز ۋاقىت جۇمىسسىز جۇرگەن. 2021 جىلدىڭ باسىندا قالالىق جۇمىسپەن قامتۋ ورتالىعىندا «جۇمىسسىز» مارتەبەسىمەن تىركەلىپ، كوپ ۇزاماي «جاستار رەسۋرستىق ورتالىعى» كمم-نە قوعامدىق كومەكشى قىزمەتىنە جولداندى.
– جۇمىسسىز جۇرگەن ازاماتتارعا مەملەكەت تاراپىنان ءتۇرلى باعىتتاعى باعدارلامالار ۇسىنىلىپ وتىر. ەڭبەك ەتكىسى كەلەتىن ادامعا قاي كەزدە بولسا دا جۇمىس تابىلادى. مەن دە سول ۇستانىمدى قولدايمىن. ۋاقىتشا بولسا دا جۇمىسقا ورنالاسىپ، تابىس تاۋىپ ءجۇرمىن، – دەيدى 22 جاستاعى باعدارلاما قاتىسۋشىسى.
بيىل قوعامدىق جۇمىسپەن 2 778 ادام ءتۇرلى مەكەمەلەر مەن كاسىپورىندارعا جولداندى. جوسپار ارتىعىمەن ورىندالىپ، ۋاقىتشا جۇمىسقا جولداما بەرۋ ازىرگە توقتاتىلعان.
ۋاقىتشا جۇمىس ورنى بولىپ ەسەپتەلىنەتىن «قوعامدىق جۇمىس» الدىن-الا كاسىپتىك دايارلاۋدى تالاپ ەتپەيدى جانە الەۋمەتتىك باعىتقا يە.
تۇراقتى جۇمىس تاۋىپ، ورنالاسۋدىڭ جولىن اشاتىن باعدارلامالار جالعاسىن تابادى.
شىمكەنت قالاسى اكىمدىگىنىڭ ءباسپاسوز قىزمەتى
