Shymkent qalasynda jumyspen qamtý qarqyndy júrgizilýde. Ýaqytsha jumysqa ornalasqan azamattardyń biri – Izet Aıtqul.
Q.Jubanov atyndaǵy Aqtóbe óńirlik memlekettik ýnıversıtetin «Munaı-gaz isi» mamandyǵy boıynsha támamdaǵan jas maman biraz ýaqyt jumyssyz júrgen. 2021 jyldyń basynda qalalyq jumyspen qamtý ortalyǵynda «jumyssyz» mártebesimen tirkelip, kóp uzamaı «Jastar resýrstyq ortalyǵy» KMM-ne qoǵamdyq kómekshi qyzmetine joldandy.
– Jumyssyz júrgen azamattarǵa memleket tarapynan túrli baǵyttaǵy baǵdarlamalar usynylyp otyr. Eńbek etkisi keletin adamǵa qaı kezde bolsa da jumys tabylady. Men de sol ustanymdy qoldaımyn. Ýaqytsha bolsa da jumysqa ornalasyp, tabys taýyp júrmin, – deıdi 22 jastaǵy baǵdarlama qatysýshysy.
Bıyl qoǵamdyq jumyspen 2 778 adam túrli mekemeler men kásiporyndarǵa joldandy. Jospar artyǵymen oryndalyp, ýaqytsha jumysqa joldama berý ázirge toqtatylǵan.
Ýaqytsha jumys orny bolyp eseptelinetin «Qoǵamdyq jumys» aldyn-ala kásiptik daıarlaýdy talap etpeıdi jáne áleýmettik baǵytqa ıe.
Turaqty jumys taýyp, ornalasýdyń jolyn ashatyn baǵdarlamalar jalǵasyn tabady.
Shymkent qalasy ákimdiginiń baspasóz qyzmeti
