شىمكەنتتىك توپ رەسپۋبليكالىق عىلىمي جارىستا «ۇزدىك كوماندا» اتاندى

1799

الماتى قالاسىندا 18-25 ءساۋىر ارالىعىندا توكەن وماروۆ اتىنداعى رەسپۋبليكالىق عارىشتىق فيزيكا مەن استرونوميادان مەكتەپ وقۋشىلارىنىڭ جارىسى ءوتتى. عارىشتىق جارىستا شىمكەنتتىك توپ «ۇزدىك كوماندا» ماراپاتىن يەلەندى.

عىلىمي جوبالار كونكۋرسىنىڭ ماقساتى - عارىشتىق باعىتتاعى فاكۋلتاتيۆتىك ۇيىرمەلەردىڭ جۇمىستارىن جانداندىرۋ، عارىش جانە عارىشتىق تەحنولوگيالار تۋرالى بىلىمدەردى وقىپ ءبىلۋ جانە ونى تاجىريبەدە پايدالانۋ، تالانتتى وقۋشىلاردى انىقتاۋ، ولاردىڭ ماماندىق تاڭداۋلارىنا كومەكتەسۋ.

وقۋشىلار - عارىشتىق اپپاراتتا جانە راكەتا تاسىمالداۋشىلار، عارىشتىق بيولوگيا جانە مەديتسينا، استرونوميا جانە استروفيزيكا، ەكولوگيا جانە كوسموناۆتيكا، ەلەكترونيكا جانە ەنەرگەتيكا باعىتتارىندا زەرتتەۋ جۇمىستارىن ۇسىندى.

الدىمەن قالالىق ىرىكتەۋ كەزەڭى ءوتىپ، وندا ۇزدىك دەپ تانىلعاندار رەسپۋبليكالىق دوداعا جولداما العان بولاتىن.

ناتيجەسىندە رەسپۋبليكالىق عارىشتىق فيزيكا مەن استرونوميادان عىلىمي جوبا جارىسى بويىنشا 7-10 سىنىپ وقۋشىلارى ءىى-دارەجەلى ديپلومدارعا يە بولسا، فيزيكا جانە استونوميا وليمپياداسىنان باس جۇلدە جانە ءى -ورىنداردى يەلەندى. جەتەكشى مۇعالىمدەرىنە قر ءبىلىم جانە عىلىم ءمينيسترىنىڭ «العىس حاتى» تابىستالادى.

شىمكەنت قالاسى اكىمدىگىنىڭ ءباسپاسوز قىزمەتى

 

پىكىرلەر
رەداكتسيا تاڭداۋى