Almaty qalasynda 18-25 sáýir aralyǵynda Tóken Omarov atyndaǵy Respýblıkalyq ǵaryshtyq fızıka men astronomııadan mektep oqýshylarynyń jarysy ótti. Ǵaryshtyq jarysta shymkenttik top «úzdik komanda» marapatyn ıelendi.
Ǵylymı jobalar konkýrsynyń maqsaty - ǵaryshtyq baǵyttaǵy fakýltatıvtik úıirmelerdiń jumystaryn jandandyrý, ǵarysh jáne ǵaryshtyq tehnologııalar týraly bilimderdi oqyp bilý jáne ony tájirıbede paıdalaný, talantty oqýshylardy anyqtaý, olardyń mamandyq tańdaýlaryna kómektesý.
Oqýshylar - ǵaryshtyq apparatta jáne raketa tasymaldaýshylar, ǵaryshtyq bıologııa jáne medıına, astronomııa jáne astrofızıka, ekologııa jáne kosmonavtıka, elektronıka jáne energetıka baǵyttarynda zertteý jumystaryn usyndy.
Aldymen qalalyq irikteý kezeńi ótip, onda úzdik dep tanylǵandar respýblıkalyq dodaǵa joldama alǵan bolatyn.
Nátıjesinde Respýblıkalyq ǵaryshtyq fızıka men astronomııadan ǵylymı joba jarysy boıynsha 7-10 synyp oqýshylary II-dárejeli dıplomdarǵa ıe bolsa, fızıka jáne astonomııa olımpıadasynan Bas júlde jáne I -oryndardy ıelendi. Jetekshi muǵalimderine QR Bilim jáne Ǵylym mınıstriniń «Alǵys haty» tabystalady.
Shymkent qalasy ákimdiginiń baspasóz qyzmeti
