شىمكەنتتە العاش رەت جاڭا فورماتتا وليمپيادا ءوتىپ جاتىر

3147
Adyrna.kz Telegram

شىمكەنتتەگى «Ustudy» ورتالىعىندا بۇگىن جالپى ءبىلىم بەرەتىن پاندەر بويىنشا رەسپۋبليكالىق وليمپيادانىڭ ءتورتىنشى قورىتىندى كەزەڭى ءوتىپ جاتىر. وعان قوعامدىق، گۋمانيتارلىق باعىتتار بويىنشا - 48 وقۋشى، جاراتىلىستانۋ، ماتەماتيكالىق باعىتتارىندا 55 وقۋشى قاتىسۋدا. ونىڭ ىشىندە 3 وقۋشى – نۇر-سۇلتان قالاسىنان، 15 وقۋشى - نازارباەۆ زياتكەرلىك مەكتەبىنەن قاتىسىپ جاتىر. ەلدەگى پاندەميا جاعدايىن ەسكەرە وتىرىپ، رەسپۋبليكالىق وليمپيادا «Ustudy» ورتالىعىنىڭ عيماراتىندا بارلىق سانيتارلىق تالاپتار ساقتالىپ وتكىزىلىپ وتىر.

بيىلعى وليمپيادانىڭ باستى جاڭالىعى «ءبىر قاتىسۋشى – ءبىر كومپيۋتەر – ءبىر كامەرا» قاعيداسى بويىنشا ۇيىمداستىرىلۋىندا. وليمپيادانىڭ تاپسىرمالارى ءار كەزەڭنىڭ باسىندا ءبىر ۋاقىتتا ۇسىنىلادى جانە سول تاپسىرمالارعا ءاربىر قاتىسۋشىعا جەكە قول جەتكىزۋ كودى بەرىلەدى.

سايىس اياقتالعاننان كەيىن قاتىسۋشىلاردىڭ سكانەرلەنگەن جۇمىستارى شيفرلانىپ، قازىلار القاسىنىڭ مۇشەلەرىنە تەكسەرۋگە جىبەرىلەدى. ءاربىر كەزەڭ اياقتالعاننان كەيىن قاتىسۋشىلار جۇمىستارىنىڭ سكانەرلەنگەن كوشىرمەلەرى «دارىن» ورتالىعى ينتەرنەت-رەسۋرسىندا ولاردىڭ جەكە دەرەكتەرىنسىز ورنالاستىرىلادى. تاپسىرمالار بويىنشا دۇرىس جاۋاپتار جانە وليمپيادانىڭ ناتيجەلەرى كورسەتىلگەن حاتتامالار دا «دارىن» ورتالىعى سايتىندا جاريالاناتىن بولادى.

شىمكەنت قالاسى اكىمدىگىنىڭ ءباسپاسوز قىزمەتى

 

پىكىرلەر