Shymkentte alǵash ret jańa formatta olımpıada ótip jatyr

3149
Adyrna.kz Telegram

Shymkenttegi «Ustudy» ortalyǵynda búgin jalpy bilim beretin pánder boıynsha respýblıkalyq olımpıadanyń tórtinshi qorytyndy kezeńi ótip jatyr. Oǵan qoǵamdyq, gýmanıtarlyq baǵyttar boıynsha - 48 oqýshy, jaratylystaný, matematıkalyq baǵyttarynda 55 oqýshy qatysýda. Onyń ishinde 3 oqýshy – Nur-Sultan qalasynan, 15 oqýshy - Nazarbaev Zııatkerlik mektebinen qatysyp jatyr. Eldegi pandemııa jaǵdaıyn eskere otyryp, respýblıkalyq olımpıada «Ustudy» ortalyǵynyń ǵımaratynda barlyq sanıtarlyq talaptar saqtalyp ótkizilip otyr.

Bıylǵy olımpıadanyń basty jańalyǵy «bir qatysýshy – bir kompıýter – bir kamera» qaǵıdasy boıynsha uıymdastyrylýynda. Olımpıadanyń tapsyrmalary ár kezeńniń basynda bir ýaqytta usynylady jáne sol tapsyrmalarǵa árbir qatysýshyǵa jeke qol jetkizý kody beriledi.

Saıys aıaqtalǵannan keıin qatysýshylardyń skanerlengen jumystary shıfrlanyp, qazylar alqasynyń múshelerine tekserýge jiberiledi. Árbir kezeń aıaqtalǵannan keıin qatysýshylar jumystarynyń skanerlengen kóshirmeleri «Daryn» ortalyǵy ınternet-resýrsynda olardyń jeke derekterinsiz ornalastyrylady. Tapsyrmalar boıynsha durys jaýaptar jáne olımpıadanyń nátıjeleri kórsetilgen hattamalar da «Daryn» ortalyǵy saıtynda jarııalanatyn bolady.

Shymkent qalasy ákimdiginiń baspasóz qyzmeti

 

Pikirler