شىمكەنت قالاسىندا 200 مىڭ جەكە سەكتوردىڭ 51 مىڭى «قازاقتەلەكوم» اق ارقىلى ينتەرنەت قىزمەتىنە قوسىلعان. سونداي-اق، 1985 كوپقاباتتى ءۇيدىڭ 1690-ى وپتيكالىق جەلىگە قوسىلىپ، بۇل كورسەتكىش 86 %-دى قۇرادى. قالالىق تسيفرلاندىرۋ باسقارماسى تاراپىنان تۇرعىنداردى ينتەرنەتپەن قامتۋ باعىتىندا بىرقاتار جۇيەلى جۇمىستار اتقارىلۋدا.
«قازاقتەلەكوم» اق جىل سايىن جەلىلەردى دامىتۋعا جانە قۇرىلىس جۇمىستارىنا اۋقىمدى ينۆەستيتسيا سالۋدا. 2021 جىلى قالادا شىمسيتي، كوكجايلاۋ، تۇلپار، جاس وتاۋ، New City شاعىناۋدانداردا، بارلىعى 3648 پورتتى قوساتىن جەلى قۇرىلىسىن جۇرگىزۋ جوسپارلانۋدا (512 ملن. تەنگە).
كومپانيا جەكە سەكتورداعى حالىقتى جوعارى جىلدامدىقتى ينتەرنەتپەن قامتاماسىز ەتەتىن 2 جوبانى ىسكە اسىرىپ وتىر. اتاپ ايتقاندا، FWA تەحنولوگياسى بويىنشى شىمكەنت قالاسىندا 14 بازالىق ستانتسيا ورناتۋ جوسپارلانعان. قازىرگى ۋاقىتتا قاجەتتى جابدىقتار ساتىپ الىنىپ، مونتاجداۋ جۇمىستارى جۇرگىزىلۋدە. بۇگىندە 1 بازالىق ستانتسيا پيلوتتىق رەجيمدە جۇزەگە اسىرىلدى. جوسپار بويىنشا 4800 ابونەنت قامتىلادى. ءبىرىنشى كەزەڭدە سامال-3 جانە اقنيەت شاعىناۋداندارىن قامتۋ باستى نازاردا. ينۆەستيتسيا قۇنى – 186 ملن تەڭگە.
سونىمەن قاتار، Wi-Fi تەحنولوگياسى بويىنشا «SNP Telecom» جشس سامال-1, سامال-2, سامال-3, بوزارىق، اسار، نۇرتاس، قۇرساي، تاسساي، تۇران، تاسكەن، قايتپاس-1, قايتپاس-2, پاحتاكور-1, پاحتاكور-2 شاعىناۋداندارىندا جوعارى جىلدامدىقتى ينتەرنەتپەن قامتۋ ءۇشىن «قاينار» ىسكەرلىك ورتالىعىندا راديۋسى 10 شاقىرىم بولاتىن بازالىق ستانتسيالاردى ورناتتى.
شىمكەنت قالاسى اكىمدىگىنىڭ ءباسپاسوز قىزمەتى
