Şymkent qalasynda 200 myŋ jeke sektordyŋ 51 myŋy «Qazaqtelekom» AQ arqyly internet qyzmetıne qosylǧan. Sondai-aq, 1985 köpqabatty üidıŋ 1690-y optikalyq jelıge qosylyp, būl körsetkış 86 %-dy qūrady. Qalalyq sifrlandyru basqarmasy tarapynan tūrǧyndardy internetpen qamtu baǧytynda bırqatar jüielı jūmystar atqaryluda.
«Qazaqtelekom» AQ jyl saiyn jelılerdı damytuǧa jäne qūrylys jūmystaryna auqymdy investisiia saluda. 2021 jyly qalada Şymsiti, Kökjailau, Tūlpar, Jas otau, New City şaǧynaudandarda, barlyǧy 3648 portty qosatyn jelı qūrylysyn jürgızu josparlanuda (512 mln. tenge).
Kompaniia jeke sektordaǧy halyqty joǧary jyldamdyqty internetpen qamtamasyz etetın 2 jobany ıske asyryp otyr. Atap aitqanda, FWA tehnologiiasy boiynşy Şymkent qalasynda 14 bazalyq stansiia ornatu josparlanǧan. Qazırgı uaqytta qajettı jabdyqtar satyp alynyp, montajdau jūmystary jürgızılude. Bügınde 1 bazalyq stansiia pilottyq rejimde jüzege asyryldy. Jospar boiynşa 4800 abonent qamtylady. Bırınşı kezeŋde Samal-3 jäne Aqniet şaǧynaudandaryn qamtu basty nazarda. İnvestisiia qūny – 186 mln teŋge.
Sonymen qatar, Wi-Fi tehnologiiasy boiynşa «SNP Telecom» JŞS Samal-1, Samal-2, Samal-3, Bozaryq, Asar, Nūrtas, Qūrsai, Tassai, Tūran, Tasken, Qaitpas-1, Qaitpas-2, Pahtakor-1, Pahtakor-2 şaǧynaudandarynda joǧary jyldamdyqty internetpen qamtu üşın «Qainar» ıskerlık ortalyǧynda radiusy 10 şaqyrym bolatyn bazalyq stansiialardy ornatty.
Şymkent qalasy äkımdıgınıŋ baspasöz qyzmetı
