شىمكەنت قالاسىندا قالالىق قىزمەتتەر مەن سەرۆيستەردىڭ ورتالىقتاندىرىلعان قىزمەتتەر ورتالىعى «Iqala» جوباسى ەنگىزىلۋدە. بۇل جوبا نۇر-سۇلتان قالاسىنىڭ تاجىريبەسى نەگىزىندە قولعا الىندى.
قالالىق تسيفرلاندىرۋ باسقارماسى باسشىسىنىڭ ايتۋىنشا، قازىرگى تاڭدا بۇل باعىتتا ءونىم بەرۋشى كومپانيا انىقتالىپ، قولدانىستاعى اقپاراتتىق جۇيەلەرمەن ينتەگراتسيالاۋ جۇمىستارى باستالدى. مەكەمەلەرمەن («سپەتساۆتوترانسپورت»، «ەنەرگەپوتوك»، «وڭتۋستىك جارىق»، «سۋ رەسۋرستار ماركەتينگ» جشس، او «سپك-شىمكەنت») كەلىسسوزدەر جۇرگىزىلۋدە.
اتالعان جوبا «ءبىر تەرەزە» قاعيداتى بويىنشا كوممۋنالدىق شارۋاشىلىق سەكتورىنىڭ جانە مەملەكەتتىك قىزمەتتەرىن بىرىكتىرەدى. جوبا اياسىندا كوممۋنالدىق قىزمەتتەردى الۋ راسىمدەرىن جەڭىلدەتۋ، بارلىق قىزمەتتەردى ونلاين تسيفرلىق تۇردە كورسەتۋ، قۇجاتتاردى قىسقا مەرزىمدە ۇسىنۋ، ءوتىنىش كۇيىن باقىلاۋ جانە قۇجاتتاردىڭ ساقتالۋى بويىنشا وڭ ناتيجەلەر كۇتىلۋدە.
شىمكەنت قالاسى اكىمدىگىنىڭ ءباسپاسوز قىزمەتى
