Şymkent qalasynda qalalyq qyzmetter men servisterdıŋ ortalyqtandyrylǧan qyzmetter ortalyǧy «Iqala» jobasy engızılude. Būl joba Nūr-Sūltan qalasynyŋ täjıribesı negızınde qolǧa alyndy.
Qalalyq sifrlandyru basqarmasy basşysynyŋ aituynşa, qazırgı taŋda būl baǧytta önım beruşı kompaniia anyqtalyp, qoldanystaǧy aqparattyq jüielermen integrasiialau jūmystary bastaldy. Mekemelermen («Spesavtotransport», «Energepotok», «Oŋtustık Jaryq», «Su resurstar Marketing» JŞS, AO «SPK-Şymkent») kelıssözder jürgızılude.
Atalǧan joba «bır tereze» qaǧidaty boiynşa kommunaldyq şaruaşylyq sektorynyŋ jäne memlekettık qyzmetterın bırıktıredı. Joba aiasynda kommunaldyq qyzmetterdı alu räsımderın jeŋıldetu, barlyq qyzmetterdı onlain sifrlyq türde körsetu, qūjattardy qysqa merzımde ūsynu, ötınış küiın baqylau jäne qūjattardyŋ saqtaluy boiynşa oŋ nätijeler kütılude.
Şymkent qalasy äkımdıgınıŋ baspasöz qyzmetı
