بۇل جونىندە ءبىلىم باسقارماسىنىڭ باسشىسى باياندادى.
شىمكەنت قالاسىنىڭ ءبىلىم سالاسىندا سىبايلاس جەمقورلىقتى بولدىرماۋ، قاعازباستىلىقتان ارىلۋ ماقساتىندا 32 مەملەكەتتىك كورسەتىلەتىن قىزمەت ءتۇرى 100 پايىز اۆتوماتتاندىرىلعان. ءبىلىم بەرۋ ۇيىمدارى تولىعىمەن سەنىم بايلانىس ورتالىقتارىمەن جانە «OPEN Ѕراسە» كابينەتتەرىمەن قامتاماسىز ەتىلدى. مەكتەپ ديرەكتورلارىنىڭ كابينەتتەرى سىنىپتارعا بەرىلىپ، كابينەتتەرى ءبىرىنشى قاباتقا كوشىرىلدى.
ناتيجەسىندە ارىز-شاعىم 75 پايىزعا، قاعازباستىلىق 100 پايىزعا تومەندەگەن.
ودان بولەك، بيۋدجەتتىڭ اشىقتىعىن قالىپتاستىرۋ ماقساتىندا «اشىق بۋحگالتەريا» جۇيەسىنە كوشۋ ءۇشىن پيلوتتىق جوبا رەتىندە باسقارماعا قاراستى 7 مەكەمەدە (3 مەكتەپ، 4 بالاباقشا) جۇمىستار باستالدى. ناتيجەسىندە ناقتى قالدىقتاردى تالداۋ ارقىلى شىعىنداردى ءتيىمدى جوسپارلاۋعا، بيۋدجەت قاراجاتىن ءتيىمدى بولۋگە، ىشكى باقىلاۋ جۇيەسىنىڭ تيىمدىلىگىن ارتتىرۋعا، شوعىرلاندىرىلعان ەسەپتىلىكتەن باستاپقى قۇجاتقا دەيىن اشىق ەسەپ جۇرگىزۋگە مۇمكىندىك تۋادى.
شاھار باسشىسى پيلوتتىق جوبانى بارلىق ءبىلىم بەرۋ ۇيىمدارىندا قولعا الۋدى تاپسىردى.
فوتو: بەرەكە سەيىتجاپپار
شىمكەنت قالاسى اكىمدىگىنىڭ ءباسپاسوز قىزمەتى
