Bul jóninde bilim basqarmasynyń basshysy baıandady.
Shymkent qalasynyń bilim salasynda sybaılas jemqorlyqty boldyrmaý, qaǵazbastylyqtan arylý maqsatynda 32 memlekettik kórsetiletin qyzmet túri 100 paıyz avtomattandyrylǵan. Bilim berý uıymdary tolyǵymen senim baılanys ortalyqtarymen jáne «OPEN ЅRASE» kabınetterimen qamtamasyz etildi. Mektep dırektorlarynyń kabınetteri synyptarǵa berilip, kabınetteri birinshi qabatqa kóshirildi.
Nátıjesinde aryz-shaǵym 75 paıyzǵa, qaǵazbastylyq 100 paıyzǵa tómendegen.
Odan bólek, bıýdjettiń ashyqtyǵyn qalyptastyrý maqsatynda «Ashyq býhgalterııa» júıesine kóshý úshin pılottyq joba retinde basqarmaǵa qarasty 7 mekemede (3 mektep, 4 balabaqsha) jumystar bastaldy. Nátıjesinde naqty qaldyqtardy taldaý arqyly shyǵyndardy tıimdi josparlaýǵa, bıýdjet qarajatyn tıimdi bólýge, ishki baqylaý júıesiniń tıimdiligin arttyrýǵa, shoǵyrlandyrylǵan eseptilikten bastapqy qujatqa deıin ashyq esep júrgizýge múmkindik týady.
Shahar basshysy pılottyq jobany barlyq bilim berý uıymdarynda qolǵa alýdy tapsyrdy.
Foto: Bereke Seıitjappar
Shymkent qalasy ákimdiginiń baspasóz qyzmeti
