شىمكەنت قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ I توقساندا اتقارىلعان جۇمىستارى قورىتىندىلاندى.
باسقارما باسشىسىنىڭ مىندەتىن اتقارۋشى ەرمان بەكمۇراتوۆتىڭ ايتۋىنشا، «ەڭبەك» مەملەكەتتىك باعدارلاماسى شەڭبەرىندە 2021 جىلى 21 842 ادامدى جۇمىسپەن قامتۋ شارالارىنا قاتىستىرۋ جوسپارلانىپ، ناقتى 5 885 ادام جۇمىسپەن قامتۋ شارالارىمەن قامتىلدى (26,9%).
باعدارلامانىڭ ءبىرىنشى باعىتى شەڭبەرىندە قىسقا مەرزىمدى كاسىپتىك وقىتۋعا 2500 ادامدى جولداۋ جوسپارلانۋدا. ەكىنشى باعىت (جاپپاي كاسىپكەرلىكتى دامىتۋ) بويىنشا 600 ادامعا مەملەكەتتىك گرانت بەرۋ جوسپارلانعان. بيىل ءساۋىر ايىندا 600 ادامعا مەملەكەتتىك گرانت بەرىلەدى.
ءۇشىنشى باعىت (حالىقتى جۇمىسپەن قامتۋعا جاردەمدەسۋ جانە ەڭبەك رەسۋرستارىنىڭ ۇتقىرلىعى ارقىلى ەڭبەك نارىعىن دامىتۋ) بويىنشا ناقتى 5885 ادام جۇمىسپەن قامتۋ شارالارىمەن قامتىلدى. اتاپ ايتقاندا، بوس جۇمىس ورىندارىنا 2430 ادام (34,6%) ورنالاستىرىلىپ، الەۋمەتتىك جۇمىس ورىندارىنا 109 (54,5%), جاستار پراكتيكاسىنا 568 (22,7%), اقىلى قوعامدىق جۇمىستارعا 2778 ادام (90,8%) جولداندى.
سونىمەن قاتار، «ەڭبەك» مەملەكەتتىك باعدارلاماسى اياسىندا 2021 جىلدىڭ ءبىرىنشى توقسانداعى جاعداي بويىنشا 229 مۇمكىندىگى شەكتەۋلى ازامات الەۋمەتتىك قولداۋ شارالارىمەن قامتىلدى. ونىڭ ىشىندە 62 ازامات تۇراقتى جۇمىسقا، ال 167 ازامات ۋاقىتشا جۇمىسقا تارتىلدى.
فوتو: بەرەكە سەيىتجاپپار
شىمكەنت قالاسى اكىمدىگىنىڭ ءباسپاسوز قىزمەتى
