«Eńbek» baǵdarlamasy boıynsha 5885 adam jumyspen qamtý sharalaryna qatysty

1323

Shymkent qalasynyń jumyspen qamtý jáne áleýmettik qorǵaý basqarmasynyń I toqsanda atqarylǵan jumystary qorytyndylandy.

Basqarma basshysynyń mindetin atqarýshy Erman Bekmuratovtyń aıtýynsha, «Eńbek» memlekettik baǵdarlamasy sheńberinde 2021 jyly 21 842 adamdy jumyspen qamtý sharalaryna qatystyrý josparlanyp, naqty 5 885 adam jumyspen qamtý sharalarymen qamtyldy (26,9%).

Baǵdarlamanyń birinshi baǵyty sheńberinde qysqa merzimdi kásiptik oqytýǵa 2500 adamdy joldaý josparlanýda. Ekinshi baǵyt (Jappaı kásipkerlikti damytý) boıynsha 600 adamǵa memlekettik grant berý josparlanǵan. Bıyl sáýir aıynda 600 adamǵa memlekettik grant beriledi.
Úshinshi baǵyt (Halyqty jumyspen qamtýǵa járdemdesý jáne eńbek resýrstarynyń utqyrlyǵy arqyly eńbek naryǵyn damytý) boıynsha naqty 5885 adam jumyspen qamtý sharalarymen qamtyldy. Atap aıtqanda, bos jumys oryndaryna 2430 adam (34,6%) ornalastyrylyp, áleýmettik jumys oryndaryna 109 (54,5%), jastar praktıkasyna 568 (22,7%), aqyly qoǵamdyq jumystarǵa 2778 adam (90,8%) joldandy.

Sonymen qatar, «Eńbek» memlekettik baǵdarlamasy aıasynda 2021 jyldyń birinshi toqsandaǵy jaǵdaı boıynsha 229 múmkindigi shekteýli azamat áleýmettik qoldaý sharalarymen qamtyldy. Onyń ishinde 62 azamat turaqty jumysqa, al 167 azamat ýaqytsha jumysqa tartyldy.

FOTO: Bereke SEIITJAPPAR

Shymkent qalasy ákimdiginiń baspasóz qyzmeti

Pikirler
Redakııa tańdaýy