شىمكەنت قالاسى تسيفرلاندىرۋ باسقارماسى تاراپىنان 2021 جىلدىڭ 1 توقسانىندا بىرقاتار جۇمىستار جۇزەگە استى. باسقارما باسشىسى اسەت ءابدىراحانوۆ اتقارىلعان جۇمىستاردى باياندادى.
باسقارما باسشىسىنىڭ ايتۋىنشا، «تسيفلىق قازاقستان» مەملەكەتتىك باعدارلاماسى اياسىندا قالانى ساپالى ينتەرنەتپەن قامتۋ 3 كەزەڭگە بولىنگەن. 1 كەزەڭدەگى جۇمىستار تولىق اياقتالدى. 2 - كەزەڭدە 14 ەلدىمەكەن قاراستىرىلىپ، كوورديناتالارى ءموبيلدى بايلانىس وپەراتورلارىمەن كەلىسىلدى. اتاپ ايتقاندا، تاسساي جانە ىنتىماق-2 (تۇرلان) شاعىناۋدانىندا جەر قازۋ جانە بەتون قۇيۋ جۇمىستارى اتقارىلسا، ا 2 اينالما جولى، اەروپورت ماڭى، سولتۇستىك-باتىس، قايناربۇلاق (ساياجاي الابى), ر-32 تراسساسى (سيقىم), قۇرساي شاعىناۋدانداردا جەر تەلىمدەرىن راسىمدەۋ جۇمىستارى باستالدى.
بۇدان بولەك، 3-كەزەڭ ءۇشىن تالشىقتى-وپتيكالىق جەلى تارتۋ ماقساتىندا قالا اۋماعىنداعى 30 تۇرعىن الاپ انىقتالىپ، ولارعا وپتيكالىق جەلى تارتۋ جۇمىستارى جۇرگىزىلۋدە. اتالعان جۇمىستاردىڭ بارلىعى جەكە ينۆەستورلار ەسەبىنەن اتقارىلاتىن بولادى. «سامعاۋ-تەلكوم» كومپانياسى تاراپىنان تاسساي، تاسكەن تۇرعىن الاپتارىنداعى 2 كوشەگە (200 ۇيگە) كابەل جۇرگىزىلىپ، تۇرعىنداردان قوسىمشا وتىنىمدەر قابىلدانۋدا.
سونىمەن قوسا، اعىمداعى جىلدىڭ شىلدە ايىنىڭ اياعىنا دەيىن تۇرعىندار كوپ شوعىرلاناتىن جەرلەردە 30 تەگىن wi-fi نۇكتەلەرى ورناتىلاتىن بولادى.
فوتو: بەرەكە سەيىتجاپپار
شىمكەنت قالاسى اكىمدىگىنىڭ ءباسپاسوز قىزمەتى
