Şymkent qalasy sifrlandyru basqarmasy tarapynan 2021 jyldyŋ 1 toqsanynda bırqatar jūmystar jüzege asty. Basqarma basşysy Äset Äbdırahanov atqarylǧan jūmystardy baiandady.
Basqarma basşysynyŋ aituynşa, «Siflyq Qazaqstan» memlekettık baǧdarlamasy aiasynda qalany sapaly internetpen qamtu 3 kezeŋge bölıngen. 1 kezeŋdegı jūmystar tolyq aiaqtaldy. 2 - kezeŋde 14 eldımeken qarastyrylyp, koordinatalary mobildı bailanys operatorlarymen kelısıldı. Atap aitqanda, Tassai jäne Yntymaq-2 (Tūrlan) şaǧynaudanynda jer qazu jäne beton qūiu jūmystary atqarylsa, A 2 ainalma joly, Aeroport maŋy, Soltüstık-Batys, Qainarbūlaq (saiajai alaby), R-32 trassasy (Siqym), Qūrsai şaǧynaudandarda jer telımderın räsımdeu jūmystary bastaldy.
Būdan bölek, 3-kezeŋ üşın talşyqty-optikalyq jelı tartu maqsatynda qala aumaǧyndaǧy 30 tūrǧyn alap anyqtalyp, olarǧa optikalyq jelı tartu jūmystary jürgızılude. Atalǧan jūmystardyŋ barlyǧy jeke investorlar esebınen atqarylatyn bolady. «Samǧau-Telkom» kompaniiasy tarapynan Tassai, Tasken tūrǧyn alaptaryndaǧy 2 köşege (200 üige) kabel jürgızılıp, tūrǧyndardan qosymşa ötınımder qabyldanuda.
Sonymen qosa, aǧymdaǧy jyldyŋ şılde aiynyŋ aiaǧyna deiın tūrǧyndar köp şoǧyrlanatyn jerlerde 30 tegın wi-fi nüktelerı ornatylatyn bolady.
FOTO: Bereke SEIITJAPPAR
Şymkent qalasy äkımdıgınıŋ baspasöz qyzmetı
