شىمكەنت قالاسىنداعى 186 مەكتەپتە 226 679 وقۋشى ءبىلىم الۋدا. 2020-2021 وقۋ جىلىنىڭ IV توقسانىندا 22 مەكتەپ (8 467 وقۋشى) شتاتتىق رەجيمدە، ارالاس فورماتتا 188 333 وقۋشى (83,1 %) اتا-انالاردىڭ ءوتىنىشى نەگىزىندە قاشىقتىقتان 29 745 (13,1%) وقىتىلۋدا.
قالا اكىمى مۇرات ايتەنوۆكە «قر ءبىلىم بەرۋدى جانە عىلىمدى دامىتۋدىڭ 2020-2025 جىلدارعا ارنالعان مەملەكەتتىك باعدارلاماسىنا» سايكەس 2021 جىلدىڭ I توقساندا اتقارىلعان جۇمىستار بويىنشا ءبىلىم باسقارماسىنىڭ باسشىسى ەسەپ بەردى.
وقۋشىلاردىڭ 4-توقساندى قورىتىندىلاۋ بويىنشا ايتىپ وتكەن باسقارما باسشىسى 11-سىنىپتى 9 342 وقۋشى بىتىرگەلى وتىرعانىن جەتكىزدى. 4 ناۋرىزدان باستاپ ۇلتتىق بىرىڭعاي تەستىلەۋگە تىركەلۋ العاش رەت كومپيۋتەرلىك فورماتتا app.testcenter.kz سىلتەمەسى ارقىلى جۇرگىزىلۋدە. كومپيۋتەرلىك فورماتتاعى ۇبت – ءاربىر تەستىلەنۋشى ءۇشىن دەربەس كومپيۋتەردى پايدالانۋ ارقىلى جۇرگىزىلەتىن تەستىلەۋ، ياعني ءبىر كومپيۋتەر – ءبىر كامەرا ءپرينتسيپى بويىنشا. تەستىلەۋ«ءبىر كومپيۋتەر – ءبىر كامەرا» ءپرينتسيپى بويىنشا كومپيۋتەرلەرمەن جابدىقتالعان U-STUDY تەستىلەۋ ورتالىعىندا وتەدى.
ال، قالادا 1-سىنىپقا قۇجات قابىلداۋ 1 ساۋىردەن باستاپ، 1 تامىزعا دەيىن بولىپ بەلگىلەنگەن. قالالىق ءبىلىم باسقارماسىنىڭ باسشىسى ج.تاجيەۆانىڭ مالىمدەۋىنشە، 2021-2022 وقۋ جىلىندا 1-سىنىپقا بولجام بويىنشا 25 000-عا جۋىق وقۋشى قابىلداۋ جوسپارلانىپ وتىر. قۇجاتتى قابىلداۋعا ءوتىنىش بەرۋ E-gov ەلەكتروندى پورتالى نەمەسە Sakura24.kz سايتى ارقىلى جۇزەگە اسىرىلادى. قازىرگى تاڭدا 2 076 وقۋشى 1-سىنىپقا قابىلدانىپ وتىر. ونىڭ ىشىندە 412 بالا E-gov ەلەكتروندى پورتالى ارقىلى، 1664 بالا Sakura24.kz سايتى ارقىلى قابىلداندى. قالاداعى ءۇش اۋىسىمدا ءبىلىم بەرەتىن، بالا سىيىمدىلىعى 35-40 بولعان №1, 16, 22, 29, 38, 42, 46, 45, 47, 50,53,54, 55, 58, 59, 65, 69, 72, 75, 77, 78, 81, 83, 88, 92, 94, 95, 103, 104, 115, 116, 120, 122, 130 مەكتەپتەردە وقۋشىلاردى قابىلداۋعا شەكتەۋ قويىلعانىن جەتكىزدى.
قالا اكىمى شىمكەنتتىڭ ونلاين وقىتۋدا رەسپۋبليكادا العاشقى ورىننان كورىنگەن ايتا كەلىپ، باسقارما باسشىسىنىڭ جۇمىسىنا وڭ باعا بەردى. سونىمەن بىرگە، جاڭا وقۋ جىلىنا پايدالانۋعا بەرىلەتىن مەكتەپتەرگە بىلىكتى ۇستازداردى تارتۋدى تاپسىردى.
فوتو: بەرەكە سەيىتجاپپار
شىمكەنت قالاسى اكىمدىگىنىڭ ءباسپاسوز قىزمەتى
