Shymkent qalasyndaǵy 186 mektepte 226 679 oqýshy bilim alýda. 2020-2021 oqý jylynyń IV toqsanynda 22 mektep (8 467 oqýshy) shtattyq rejımde, aralas formatta 188 333 oqýshy (83,1 %) ata-analardyń ótinishi negizinde qashyqtyqtan 29 745 (13,1%) oqytylýda.
Qala ákimi Murat Áıtenovke «QR Bilim berýdi jáne ǵylymdy damytýdyń 2020-2025 jyldarǵa arnalǵan memlekettik baǵdarlamasyna» sáıkes 2021 jyldyń I toqsanda atqarylǵan jumystar boıynsha bilim basqarmasynyń basshysy esep berdi.
Oqýshylardyń 4-toqsandy qorytyndylaý boıynsha aıtyp ótken basqarma basshysy 11-synypty 9 342 oqýshy bitirgeli otyrǵanyn jetkizdi. 4 naýryzdan bastap Ulttyq biryńǵaı testileýge tirkelý alǵash ret kompıýterlik formatta app.testcenter.kz siltemesi arqyly júrgizilýde. Kompıýterlik formattaǵy UBT – árbir testilenýshi úshin derbes kompıýterdi paıdalaný arqyly júrgiziletin testileý, ıaǵnı bir kompıýter – bir kamera prınıpi boıynsha. Testileý«bir kompıýter – bir kamera» prınıpi boıynsha kompıýterlermen jabdyqtalǵan U-STUDY testileý ortalyǵynda ótedi.
Al, qalada 1-synypqa qujat qabyldaý 1 sáýirden bastap, 1 tamyzǵa deıin bolyp belgilengen. Qalalyq bilim basqarmasynyń basshysy J.Tajıevanyń málimdeýinshe, 2021-2022 oqý jylynda 1-synypqa boljam boıynsha 25 000-ǵa jýyq oqýshy qabyldaý josparlanyp otyr. Qujatty qabyldaýǵa ótinish berý E-gov elektrondy portaly nemese Sakura24.kz saıty arqyly júzege asyrylady. Qazirgi tańda 2 076 oqýshy 1-synypqa qabyldanyp otyr. Onyń ishinde 412 bala E-gov elektrondy portaly arqyly, 1664 bala Sakura24.kz saıty arqyly qabyldandy. Qaladaǵy úsh aýysymda bilim beretin, bala syıymdylyǵy 35-40 bolǵan №1, 16, 22, 29, 38, 42, 46, 45, 47, 50,53,54, 55, 58, 59, 65, 69, 72, 75, 77, 78, 81, 83, 88, 92, 94, 95, 103, 104, 115, 116, 120, 122, 130 mektepterde oqýshylardy qabyldaýǵa shekteý qoıylǵanyn jetkizdi.
Qala ákimi Shymkenttiń onlaın oqytýda respýblıkada alǵashqy orynnan kóringen aıta kelip, basqarma basshysynyń jumysyna oń baǵa berdi. Sonymen birge, jańa oqý jylyna paıdalanýǵa beriletin mektepterge bilikti ustazdardy tartýdy tapsyrdy.
FOTO: Bereke SEIITJAPPAR
Shymkent qalasy ákimdiginiń baspasóz qyzmeti
