اۋىل شارۋاشىلىعىنىڭ جالپى ءونىم كولەمى 1,6 ملرد تەڭگەگە ارتتى

1209
Adyrna.kz Telegram

شىمكەنت قالاسىنىڭ اۋىل شارۋاشىلىعى جانە ۆەتەريناريا باسقارماسىنىڭ باسشىسى ا.قانىبەكوۆ 2021 جىلدىڭ I توقساندا اتقارىلعان

جۇمىستار بويىنشا ەسەپ بەردى.
باسقارما باسشىسىنىڭ مالىمەتىنشە، اۋىل شارۋاشىلىعىنىڭ جالپى ءونىم كولەمى وتكەن جىلدىڭ ءتيىستى كەزەڭىمەن سالىستىرعاندا 1,6 ملرد تەڭگەگە ارتىپ، 6,5 ملرد تەڭگەگە جەتتى: ەگىن شارۋاشىلىعى – 1,1 ملرد تەڭگە، مال شارۋاشىلىعى – 5,2 ملرد تەڭگە.

اۋىل شارۋاشىلىعى ونىمدەرىنىڭ ەكسپورت كولەمى 36,5 ملن اقش دوللارىن قۇراپ، وتكەن جىلمەن سالىستىرعاندا 103,1 % نەمەسە 1,1 ملن اقش دوللارىنا ارتتى. اۋىل شارۋاشىلىعى جانە تاماق ونىمدەرىن وندىرۋدەگى نەگىزگى كاپيتالعا 2,9 ملرد تەڭگە ينۆەستيتسيا تارتىلىپ، وتكەن ەسەپتى كەزەڭمەن سالىستىرعاندا 2,6 %-عا كوبەيىپ وتىر.

2021 جىلى اگروونەركاسىپ كەشەنى سۋبەكتىلەرىن قولداۋعا جەرگىلىكتى جانە جوعارى تۇرعان بيۋدجەتتەردەن 3,5 ملرد تەڭگە سۋبسيديا ءبولىندى. ونىڭ ىشىندە ەسەپتى كەزەڭگە قارالعان 253,3 ملن تەڭگە 100 % يگەرىلدى.

بيىل اۋىل شارۋاشىلىعى داقىلدارى 2020 جىلمەن سالىستىرعاندا 1,4 مىڭ گا ارتىپ، 29,3 مىڭ گا ەگىلەدى. ناتيجەسىندە، 71,7 مىڭ توننا ءونىم جينالادى دەپ كۇتىلۋدە. وتكەن جىلدىڭ ءتيىستى كەزەڭىمەن سالىستىرعاندا ءىرى ءمۇيىزدى قارا مالدىڭ سانى 1,6 %، جىلقى 0,5 %، قۇس 25,3 % ارتقان، ال قوي مەن ەشكى سانى 16,3%-عا تومەندەگەن. مال شارۋاشىلىعى ونىمدەرىن ءوندىرۋ كولەمى وتكەن جىلدىڭ ءتيىستى كەزەڭىمەن سالىستىرعاندا ۇلعايعان: ەت ء(تىرى سالماقتا) 2,8 مىڭ توننا، سيىر ءسۇتى 8,8 مىڭ توننا، جۇمىرتقا 40,7 ملن دانانى قۇرادى.

قالا اكىمى شاھاردا ەت، ءسۇت، قۇس شارۋاشىلىعىن جانە تەرەڭ ءوندىرىستى دامىتۋدىڭ ماڭىزدىلىعىنا توقتالدى. -تەرەڭ ءوندىرىستى كۇشەيتكەن جاعدايدا عانا قالا ەكونوميكاسى داميدى. شىمكەنت توعىز جولدىڭ تورابىندا. كورشىلەس ايماقتاردا وسىرىلەتىن ونىمدەردى تەرەڭ وڭدەۋ – باستى باعىت.

شاھار باسشىسى كىشى شارۋاشىلىقتاردى كوپتەپ اشۋدى قولعا الۋ قاجەتتىگىن جانە «ەگىس دالاسىنان دۇكەن سورەسىنە دەيىن» اتتى پرەزيدەنت تاپسىرماسىنا ساي، الەۋمەتتىك دۇكەندەردىڭ سانىن كوبەيتۋ كەرەكتىگىن تاپسىردى. بۇل باعىتتا ءىرى ماركەتتەردە «شىمكەنت ونىمدەرى» دەگەن ارنايى بۇرىشتاردى اشۋدى قولعا الۋ قاجەت.

فوتو: بەرەكە سەيىتجاپپار

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر