Shymkent qalasynyń aýyl sharýashylyǵy jáne veterınarııa basqarmasynyń basshysy A.Qanybekov 2021 jyldyń I toqsanda atqarylǵan
jumystar boıynsha esep berdi.
Basqarma basshysynyń málimetinshe, aýyl sharýashylyǵynyń jalpy ónim kólemi ótken jyldyń tıisti kezeńimen salystyrǵanda 1,6 mlrd teńgege artyp, 6,5 mlrd teńgege jetti: egin sharýashylyǵy – 1,1 mlrd teńge, mal sharýashylyǵy – 5,2 mlrd teńge.
Aýyl sharýashylyǵy ónimderiniń eksport kólemi 36,5 mln AQSh dollaryn qurap, ótken jylmen salystyrǵanda 103,1 % nemese 1,1 mln AQSh dollaryna artty. Aýyl sharýashylyǵy jáne tamaq ónimderin óndirýdegi negizgi kapıtalǵa 2,9 mlrd teńge ınvestıııa tartylyp, ótken esepti kezeńmen salystyrǵanda 2,6 %-ǵa kóbeıip otyr.
2021 jyly agroónerkásip kesheni sýbektilerin qoldaýǵa jergilikti jáne joǵary turǵan bıýdjetterden 3,5 mlrd teńge sýbsıdııa bólindi. Onyń ishinde esepti kezeńge qaralǵan 253,3 mln teńge 100 % ıgerildi.
Bıyl aýyl sharýashylyǵy daqyldary 2020 jylmen salystyrǵanda 1,4 myń ga artyp, 29,3 myń ga egiledi. Nátıjesinde, 71,7 myń tonna ónim jınalady dep kútilýde. Ótken jyldyń tıisti kezeńimen salystyrǵanda iri múıizdi qara maldyń sany 1,6 %, jylqy 0,5 %, qus 25,3 % artqan, al qoı men eshki sany 16,3%-ǵa tómendegen. Mal sharýashylyǵy ónimderin óndirý kólemi ótken jyldyń tıisti kezeńimen salystyrǵanda ulǵaıǵan: et (tiri salmaqta) 2,8 myń tonna, sıyr súti 8,8 myń tonna, jumyrtqa 40,7 mln danany qurady.
Qala ákimi shaharda et, sút, qus sharýashylyǵyn jáne tereń óndiristi damytýdyń mańyzdylyǵyna toqtaldy. -Tereń óndiristi kúsheıtken jaǵdaıda ǵana qala ekonomıkasy damıdy. Shymkent toǵyz joldyń torabynda. Kórshiles aımaqtarda ósiriletin ónimderdi tereń óńdeý – basty baǵyt.
Shahar basshysy kishi sharýashylyqtardy kóptep ashýdy qolǵa alý qajettigin jáne «Egis dalasynan dúken sóresine deıin» atty Prezıdent tapsyrmasyna saı, áleýmettik dúkenderdiń sanyn kóbeıtý kerektigin tapsyrdy. Bul baǵytta iri marketterde «Shymkent ónimderi» degen arnaıy buryshtardy ashýdy qolǵa alý qajet.
FOTO: Bereke SEIITJAPPAR
Shymkent qalasy ákimdiginiń baspasóz qyzmeti
