شىمكەنت قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسىنىڭ 2021 جىلدىڭ I توقسانىندا اتقارعان جۇمىستارى تىڭدالدى. باسقارما باسشىسىنىڭ مىندەتىن اتقارۋشى نۇرلان ارحاباەۆ اتقارىلعان جۇمىستار مەن جوسپارلارىن باياندادى.
«تسيفرلىق قازاقستان» مەملەكەتتىك باعدارلاماسى اياسىندا باسقارما تاراپىنان گەواقپاراتتىق پورتال قۇرۋ بويىنشا ءتيىستى جۇمىستار جۇرگىزىلۋدە. جوبانى 2021 جىلدىڭ اياعىنا دەيىن ىسكە اسىرۋ جوسپارلانعان.
بۇل ورايدا رەسپۋبليكالىق رەيتينگتە ءبىرىنشى ورىندا تۇرعان اقتوبە قالاسىنىڭ گەوپورتالىن ازىرلەۋشى «كازگيسا» جشس-مەن كەلىسسوزدەر جۇرگىزىلىپ، جالپى 357,75 ملن تەڭگەگە كوممەرتسيالىق ۇسىنىس بەرىلدى.
گەوپورتالدا ەلەكتروندىق كەزەكشى كارتا بويىنشا جۇمىس جۇرگىزۋ، قولدا بار بارلىق كارتوگرافيالىق دەرەكتەردى جيناۋ، باس جوسپاردى ەگجەي-تەگجەيلى جوسپارلاۋ جوبالارىن ورنالاستىرۋ (II توقسان), جوعارى دەڭگەيدەگى اەروفوتوتۇسىرىلىم جۇرگىزۋ، باسقارمامەن كورسەتىلەتىن مەملەكەتتىك قىزمەتتەردى اۆتوماتتاندىرۋ، جىلجىمايتىن مۇلىكتىڭ بىرىڭعاي مەملەكەتتىك كاداسترىمەن ينتەگراتسيالاۋ، بوس جەرلەردى ەلەكتروندى اۋكتسيونعا شىعارۋ (II توقسان) جانە تاعى باسقا جۇمىستاردى اتقارۋ كوزدەلۋدە.
قازىرگى تاڭدا قالالىق ءماسليحاتتىڭ كەزەكتى سەسسيا وتىرىسىندا اتالعان جوبانىڭ قارجىلاندىرىلۋى ماقۇلداندى جانە وسى بويىنشا زاڭ تالاپتارىنا سايكەس، ءتيىستى مەملەكەتتىك ساتىپ الۋ جۇمىستارى جۇرگىزىلۋدە.
قالا اكىمى مۇرات ايتەنوۆ گەوپورتال بولاشاق ءۇشىن ماڭىزدى قادام ەكەنىن، بارلىق جۇيەلىك جۇمىستار وسى گەوپورتال جۇيەسىندە جاسالۋ كەرەكتىگىنە نازار اۋداردى. تۇرعىندار قالانىڭ دامۋ باعىتتارىن ساۋلەتشىلەردەن ءبىلىپ وتىرۋى ءتيىس. بۇل رەتتە ءتۇسىندىرۋ جۇمىستارىن قولعا الۋ قاجەت.
سونداي-اق، باسقارمانىڭ وندىرىسىندە نىسانداردىڭ قۇرىلىسىن جۇرگىزۋ ءۇشىن مەملەكەت مۇقتاجى ءۇشىن ماجبۇرلەپ يەلىكتەن شىعارۋ تۋرالى 3599 جەر ۋچاسكەسىنە، 46 نىسان بويىنشا 41 قاۋلى قابىلدانعان.
2021 جىلدىڭ باسىنان بەرى مەملەكەت مۇقتاجى ءۇشىن ماجبۇرلەپ يەلىكتەن شىعارۋ تۋرالى 39 جەر ۋچاسكەسىنە 7 نىسان بويىنشا 4 قاۋلى قابىلداندى. ەسەپتى كەزەڭدە 83 جەر ۋچاسكەسى مەملەكەت مۇقتاجدىعىنا قايتارىلعان. 83 جەر ۋچاسكەسىنىڭ جالپى الاڭى - 11,0273 گا، مەملەكەت مەنشىگىنە ماجبۇرلەپ يەلىكتەن شىعارۋ بويىنشا 827 768 905 تەڭگە قارجى جۇمسالدى.
باسقارما تاراپىنان 17 مەملەكەتتىك قىزمەت ءتۇرى كورسەتىلەدى. 2021 جىلدىڭ قاڭتار-ناۋرىز ايلارىندا جالپى 10 947 مەملەكەتتىك قىزمەت ۇسىنىلدى.
شىمكەنت قالاسى اكىمدىگىنىڭ ءباسپاسوز قىزمەتى
