Şymkent qalasynyŋ säulet, qala qūrylysy jäne jer qatynastary basqarmasynyŋ 2021 jyldyŋ I toqsanynda atqarǧan jūmystary tyŋdaldy. Basqarma basşysynyŋ mındetın atqaruşy Nūrlan Arhabaev atqarylǧan jūmystar men josparlaryn baiandady.
«Sifrlyq Qazaqstan» memlekettık baǧdarlamasy aiasynda basqarma tarapynan geoaqparattyq portal qūru boiynşa tiıstı jūmystar jürgızılude. Jobany 2021 jyldyŋ aiaǧyna deiın ıske asyru josparlanǧan.
Būl oraida respublikalyq reitingte bırınşı orynda tūrǧan Aqtöbe qalasynyŋ geoportalyn äzırleuşı «KAZGİSA» JŞS-men kelıssözder jürgızılıp, jalpy 357,75 mln teŋgege kommersiialyq ūsynys berıldı.
Geoportalda elektrondyq kezekşı karta boiynşa jūmys jürgızu, qolda bar barlyq kartografiialyq derekterdı jinau, Bas jospardy egjei-tegjeilı josparlau jobalaryn ornalastyru (II toqsan), joǧary deŋgeidegı aerofototüsırılım jürgızu, basqarmamen körsetıletın memlekettık qyzmetterdı avtomattandyru, jyljymaityn mülıktıŋ bıryŋǧai memlekettık kadastrymen integrasiialau, bos jerlerdı elektrondy auksionǧa şyǧaru (II toqsan) jäne taǧy basqa jūmystardy atqaru közdelude.
Qazırgı taŋda qalalyq mäslihattyŋ kezektı sessiia otyrysynda atalǧan jobanyŋ qarjylandyryluy maqūldandy jäne osy boiynşa zaŋ talaptaryna säikes, tiıstı memlekettık satyp alu jūmystary jürgızılude.
Qala äkımı Mūrat Äitenov geoportal bolaşaq üşın maŋyzdy qadam ekenın, barlyq jüielık jūmystar osy geoportal jüiesınde jasalu kerektıgıne nazar audardy. Tūrǧyndar qalanyŋ damu baǧyttaryn säuletşılerden bılıp otyruy tiıs. Būl rette tüsındıru jūmystaryn qolǧa alu qajet.
Sondai-aq, basqarmanyŋ öndırısınde nysandardyŋ qūrylysyn jürgızu üşın memleket mūqtajy üşın mäjbürlep ielıkten şyǧaru turaly 3599 jer uchaskesıne, 46 nysan boiynşa 41 qauly qabyldanǧan.
2021 jyldyŋ basynan berı memleket mūqtajy üşın mäjbürlep ielıkten şyǧaru turaly 39 jer uchaskesıne 7 nysan boiynşa 4 qauly qabyldandy. Eseptı kezeŋde 83 jer uchaskesı memleket mūqtajdyǧyna qaitarylǧan. 83 jer uchaskesınıŋ jalpy alaŋy - 11,0273 ga, memleket menşıgıne mäjbürlep ielıkten şyǧaru boiynşa 827 768 905 teŋge qarjy jūmsaldy.
Basqarma tarapynan 17 memlekettık qyzmet türı körsetıledı. 2021 jyldyŋ qaŋtar-nauryz ailarynda jalpy 10 947 memlekettık qyzmet ūsynyldy.
Şymkent qalasy äkımdıgınıŋ baspasöz qyzmetı
